मुंबई- सोशल मीडियावर अनुष्का शर्माचे अनेक फोटो व्हायरल होत असतात. आताही तिचे पांढऱ्या ड्रेसमधले अनेक फोटो समोर आले आहेत. यात अनुष्का फारच सुंदर दिसत आहे. अनुष्काचे हे फोटो कोणत्याही फोटोशूटचे नसून अबु धाबीच्या शेख झायेद स्टेडियमवर खेळल्या गेलेल्या आयपीएल सामन्या दरम्यानचे आहेत. अनुष्का शर्माचे अनेक हावभाव यावेळी कॅमेर्‍यात कैद झाले. रॉयल चॅलेंजर्स बंगळुरूला प्रोत्साहन देण्यासाठी आणि संघाला पाठिंबा देण्यासाठी अनुष्का स्टेडियमवर पोहोचली होती. सध्या आणि विराट कोहलीच्या वेगवेगळ्या फॅन पेजवरून स्टेडियमवरचे अनुष्काचे अनेक फोटो आणि व्हिडिओ व्हायरल होत आहेत. या सर्व फोटोंमध्ये अनुष्काचा साधेपणा चाहत्यांना आवडत आहे. यावेळीच नाही तर याआधीही ती पती आणि त्याच्या टीमला प्रोत्साहन देण्यासाठी स्टेडियमवर गेली आहे. या फोटोंमध्ये अनुष्काचा बेबी बंप स्पष्ट दिसत आहे. पांढऱ्या ड्रेस प्रमाणेच तिचे लाल रंगाच्या ड्रेसमधलेही अनेक फोटो इन्स्टाग्रामवर व्हायरल झाले होते. काही महिन्यांपूर्वी अनुष्का आणि विराटने त्यांच्या सोशल मीडिया अकाउंटवरून ती गरोदर असल्याची बातमी शेअर केली होती. तसेच पुढच्यावर्षी जानेवारी महिन्यात ती बाळाला जन्म देणार असल्याचं सांगितलं होतं. पोलक डॉटवाल्या ड्रेसमध्ये अनुष्का शर्मा फारच सुंदर दिसत होती. अनुष्काच्या कामाबद्दल बोलायचे झाले तर २०१८ मध्ये प्रदर्शित झालेल्या 'झिरो' सिनेमात तिने अखेरचं काम केलं. या सिनेमात तिच्यासोबत शाहरुख खान आणि कतरिना कैफ देखील होते. यानंतर तिने एकही सिनेमा साईन केला नाही. तिच्या प्रोडक्शन हाउसतर्फे अनेक वेब सीरिजची निर्मिती तिने केली.
from Marathi Bollywood News, Marathi Cinema News https://ift.tt/3mO0Sql