जाणून घ्या कोण आहे दिशा परमार, राहुल वैद्यने लग्नासाठी केलं प्रपोज

मुंबई- ‘बिग बॉस १४’ च्या आजच्या एपिसोडमध्ये अभिनेत्री दिशा परमारला लग्नासाठी प्रपोज करणार आहे. शोच्या निर्मात्यांनी याचा एक प्रोमोदेखील शेअर केला आहे. यात राहुल दिशासाठीचं त्याचं प्रेम व्यक्त करताना दिसणार आहे. तसंच तो लग्नासाठीही तिला प्रपोज करणार आहे. एक टीव्ही अभिनेत्री आणि मॉडेल आहे. ती बर्‍याच जाहिरातींमध्येही दिसली आहे. करिअरच्या सुरुवातीला ती राजश्री प्रॉडक्शनसाठी ऑडिशन आयोजित करायची. २०१२ मध्ये दिशाने तिच्या अभिनय कारकीर्दीला सुरुवात केली. 'प्यार का दर्द है मीठा-मीठा प्यारा प्यारा' या टीव्ही मालिकेत तिने मुख्य भूमिका साकारली. यावेळी ती फक्त १७ वर्षांची होती. या शोसाठी दिशाने तिचं शिक्षणही अर्धवट सोडलं. आज आम्ही तुम्हाला दिशा परमारच्या आयुष्याशी निगडीत काही रंजक गोष्टी सांगणार आहोत.. १. दिशा परमार कोण आहे? दिशा परमार एक टीव्ही अभिनेत्री आणि मॉडेल असून तिने दिल्लीतील एलिट मॉडेल मॅनेजमेन्ट इंडिया प्रायव्हेट लिमिटेड कंपनीतून करिअरची सुरुवात केली. २. दिशा परमारचा जन्म कधी आणि कुठे झाला? उपलब्ध असलेल्या माहितीनुसार दिशा परमारचा जन्म ११ नोव्हेंबर १९९४ रोजी दिल्ली येथे झाला होता. ३. दिशा परमार किती वर्षांची आहे? दिशा परमार २६ वर्षांची आहे. ४. दिशा परमारची उंची किती आहे? दिशा परमारची उंची ५ फूट ८ इंच आहे. ५. दिशा परमारने कुठून शिक्षण घेतलं आणि तिचं एकूण शिक्षण किती झालं आहे? दिशा परमारने तिचं शालेय शिक्षण दिल्लीतील साधू वासवानी आंतरराष्ट्रीय शाळेतून पूर्ण केलं. उच्च माध्यमिक शाळेत शिकत असताना दिशाने नृत्य स्पर्धा, नाटकं आणि फॅशन शोमध्ये भाग घ्यायला सुरुवात केली. यावेळी तिला 'प्यार का दर्द है मीठा-मीठा प्यारा प्यारा' मध्ये मुख्य भूमिका मिळाली. त्यानंतर तिने शिक्षण सोडून दिलं. ६. दिशा परमारचे कधीप्रेमसंबंध होते का? दिशा परमारच्या अफेअरची कधीही चर्चा झाली नाही. सुरुवातीपासूनच तिचं नाव राहुल वैद्यशी जोडलं गेलं. ७. राहुल वैद्य आणि दिशा परमार यांची लव्हस्टोरी कशी सुरू झाली? दिशा परमार आणि राहुल वैद्य यांनी गेल्यावर्षी 'याद तेरी' या गाण्यात एकत्र काम केलं होतं. या गाण्यात दोघांची केमिस्ट्री चांगलीच गाजली होती. हे गाणं राहुलनेच गायलं होतं. ८. दिशा परमारचा इन्स्टाग्राम आयडी म्हणजे काय? दिशा परमारचा इन्स्टाग्राम आयडी dishaparmar आहे आणि बातमी लिहिपर्यंत तिचे ४२२ हजार फॉलोअर्स होते. ९. दिशा परमारच्या कुटुंबात कोण आहे? मिळालेल्या माहितीनुसार, दिशा परमारच्या कुटुंबात आई-वडिलांसोबत भाऊ गौरव परमार आहे. १०. दिशा परमारला काय आवडतं? दिशा परमारला जिमला जाणं, पुस्तकं वाचणं आणि संगीत ऐकायला आवडतं.

from Marathi Bollywood News, Marathi Cinema News https://ift.tt/32xZIHD