मुंबई- यावर्षी करोना व्हायरसमुळे ऑनलाइन आयोजित करण्यात आलेल्या ४८ व्या आंतरराष्ट्रीय एम्मी अवॉर्ड्समध्ये या सीरिजला सर्वोत्कृष्ट ड्रामा सीरिजचा पुरस्कार मिळाला आहे. आंतरराष्ट्रीय एम्मी पुरस्कार जिंकणारा हा पहिला भारतीय शो आहे. आंतरराष्ट्रीय एम्मी पुरस्कारांच्या अधिकृत ट्विटर पेजवर या संबंधीची घोषणा करण्यात आली आहे. ही गुन्हेगारी पार्श्वभूमीवर आधारित सीरिज डिसेंबर २०१२ मध्ये दिल्लीतील निर्भया सामूहिक बलात्कार प्रकरणावर तयार करण्यात आली होती. दिल्ली पोलिसांनी या प्रकरणात किती लवकर तपास केला आणि काही तासांत मुख्य आरोपीला कसं पकडलं हे या सीरिजमध्ये दाखवण्यात आलं आहे. याशिवाय खटल्याच्या चौकशीत पोलिसांना होणार्‍या अडचणीही या मालिकेतून दाखविण्यात आल्या आहेत. केवळ सात भागांच्या या मालिकेत शेफाली शाहने डीसीपी वर्णिका चतुर्वेदीची मुख्य भूमिका साकारली होती. या मालिकेचं दिग्दर्शन रिची मेहता यांनी केलं होतं. बेस्ट ड्रामा सीरिज प्रकारात दिल्ली क्राईमला हा पुरस्कार मिळाल्यानंतर शेफाली शाह यांनीही सोशल मीडियावर आनंद व्यक्त केला आहे. या वेब सिरीजमध्ये शेफाली शाह व्यतिरिक्त राजेश तैलंग, आदिल हुसेन, रसिका दुग्गल, गोपाल दत्त तिवारी, जया भट्टाचार्य, अभिलाषा सिंग, विनोद शरावत, मृदुल शर्मा, अनुराग अरोरा, सिद्धार्थ भारद्वाज यांच्याही महत्त्वपूर्ण भूमिका आहेत.. विजेत्यांची संपूर्ण यादी बेस्ट ड्रामा सीरिज: बेस्ट कॉमेडी सीरिज: Ninguem Ta Olhando बेस्ट एक्ट्रेस- Glenda Jackson (Elizabeth Is Missing) बेस्ट एक्टर- Billy Barratt (Responsible Child) बेस्ट टीव्ही मूव्ही- Responsible Child बेस्ट शॉर्ट-फॉर्म सीरिज- Martyisdead बेस्ट डॉक्यूमेन्टी- For Sama बेस्ट आर्ट्स प्रोग्रामिंग- Vertige De La Chute (Ressaca)
from Marathi Bollywood News, Marathi Cinema News https://ift.tt/3m1VZtB
