मुंबई- हिचा या आगामी सिनेमाची गेल्या काही दिवसांपासून चर्चा होती. करोना व्हायरसमुळे करण्यात आलेल्या लॉकडाउनमुळे या सिनेमाचं प्रदर्शन पुढे ढकलण्यात आलं होतं. आता अनलॉकनंतर निर्मात्यांनी सिनेमाचा ट्रेलर प्रदर्शित केला. कियाराच्या या सिनेमाच्या ट्रेलरला संमिश्र प्रतिसाद मिळत आहे. सिनेमात कियाराने गाझियाबादच्या मुलीची इंदिरा उर्फ इंदू गुप्ताची भूमिका साकारली आहे. इंदूला डेटिंगसाठी चांगला माणूस सापडत नसतो. शेवटी इंदूला डिलिव्हरी बॉय आवडतो पण नंतर तो पाकिस्तानी असल्याचं समजतं. इंदूला वाटतं की हा पाकिस्तानी मुलगा दहशतवादी आहे आणि इथूनच सर्व गोंधळ निर्माण होतो. मल्लिका दुआ इंदूची सर्वात जवळची मैत्रीण सोनलच्या भूमिकेत दिसत आहे. इथे पाहा ट्रेलर : ट्रेलरमध्ये कियारा आडवाणीचा लूक सुपर हॉट दिसत आहे. नेहमीप्रमाणे ती फार गोड दिसत आहे. त्याचप्रमाणे सिनेमात याचा लुकही सुंदर आहे. सिनेमात कियाराचं कॉमिक टायमिंगही चांगलं दिसत आहे, ज्यामुळे लोकांना ट्रेलर पसंत पडत आहे. मात्र, आदित्य सीलच्या व्यक्तिरेखाला पाकिस्तानी मुलगा म्हणून दाखवल्याच्या भूमिकेवर काही लोकांचा आक्षेप आहे. भारतीय लोक प्रत्येक पाकिस्तानी नागरिकाला दहशतवादी मानतात असं सिनेमात दाखवण्यात आलं आहे. जे अत्यंत चुकीचं आहे. प्रत्येक भारतीयाची अशी मानसिकता नसते. यासोबतच सिनेमात लव जिहादचा अँगलही वापरण्यात आला आहे. इंदू की जवानी या सिनेमाची निर्मिती भूषण कुमार आणि निखिल आडवाणी यांनी केली आहे. तर अबीर सेनगुप्ता दिग्दर्शित हा सिनेमा येत्या ११ डिसेंबर रोजी चित्रपटगृहात प्रदर्शित होणार आहे.
from Marathi Bollywood News, Marathi Cinema News https://ift.tt/2UWIzmQ
