मुंबई: करोनाच्या विषाणूमुळे २०२० हे वर्ष सगळ्यांसाठी खूप वेगळं आणि कठीण होतं. पण, आता हे वर्ष संपून नवं वर्ष सुरु होणार आहे. नवं वर्ष अगदी धूमधडाक्यात साजरं होणार नसलं तरीही येणाऱ्या वर्षाकडून खूप अपेक्षा आहेत. आपल्या कलाकार मंडळींनी त्यांच्या न्यू इअर प्लॅन्समध्ये बदल केल्याचं दिसत आहे. न्यू इअर सेलिब्रेशसाठी परदेशवारी करणाऱ्या बॉलिवूड सेलिब्रिटींनी यंदा भारतातच सेलिब्रेशन करण्यास प्राधान्य दिल्याचं दिसून येतंय. इतकंच नाही तर बॉलिवूडमधला सुपस्टार नवीन वर्षाच्या स्वागतासाठी थेट कोकणांत पोहोचला आहे. ‘येवा, आपलाच असा’... अशा कोकणवासीयांच्या आवतणाला आमिर खाननं देखील प्रतिसाद दिलाय . कोकणातील समुद्र किनारे, नारळ-पोफळीच्या बागा, सर्वत्र पसरलेली हिरवाई अनुभवण्यासाठी आणि नवीन वर्षाचं स्वागत करण्यासाठी तो कुटुंबियांसह हेलिकॉप्टरनं काल संध्याकाळी म्हणजेच मंगळवारी सिंधुदुर्गात दाखल झाला आहे. सिंधुदुर्गात आल्यानंतर आमिरनं पोलीस अधीक्षकांची भेट घेतल्याचं समजतं. आमिरच्या या दौऱ्यासंदर्भात अधिकृत माहिती उघड करण्यात आली नसली तरी, तो नवीन वर्षाच्या स्वागतासाठी पत्नी किरण राव आणि मुलांसोबत इथं आल्याचं समजतं.
from Marathi Bollywood News, Marathi Cinema News https://ift.tt/2Jvaf0b
