मुंबई- तेलगु अभिनेत्री आणि चैतन्य जोनलगाडा यांचं उदयपुरातील उदय विलास पॅलेसमध्ये जबरदस्त डेस्टिनेशन वेडिंग आज होणार आहे. तेलगू चित्रपटसृष्टीतील सर्व मोठे कलाकार या लग्नात पोहोचणार आहेत. सुपरस्टार देखील लग्नात सहभागी होण्यासाठी सहकुटुंब हैदराबादहून उदयपूरला गेला. विशेष म्हणजे यावेळी तो आपल्या प्रायवेट जेटने उदयपूरला गेला. त्याच्या या जेटसोबतचे अनेक फोटो सध्या सोशल मीडियावर व्हायरल होत आहेत. निहारिका आणि चैतन्य यांचं आज ९ डिसेंबर रोजी लग्न आहे. या लग्नासाठी अल्लू सोमवारीच उदयपूरला पोहोचला. मंगळवारी मेहंदी समारंभानंतर संगीत कार्यक्रमही होणार आहे. बुधवारी लग्नानंतर निहारिका आणि चैतन्य त्यांच्या खाजगी विमानातून पुन्हा हैदराबादला रवाना होणार आहेत. उदयपुरला जाऊन अल्लू अर्जुनने आपली पत्नी स्नेहा रेड्डी आणि मुले अयान, आरा आणि आई- वडिलांसोबतचा एक फोटो शेअर केला. केवळ अल्लू अर्जुनचंच कुटुंब नाही तर तेलगू फिल्म इंडस्ट्रीचे अनेक मोठे स्टार निहारिकाच्या लग्नात सहभाही होण्यासाठी उदयपुरमध्ये पोहोचले आहेत. अलीकडेच रितु वर्मा आणि लवन्या त्रिपाठी यांनीही निहारिकाच्या लग्नात भाग घेण्यासाठी उदयपूरला जात असल्याचे फोटो शेअर केले होते.
from Marathi Bollywood News, Marathi Cinema News https://ift.tt/3m2C2Ch
