मुंबईत सध्या करोना विषाणूमुळे सरकारने नाईट कर्फ्यू लागू केला आहे. रात्री ११ ते सकाळी ६ पर्यंत जमाव बंदी असणार आहे. अशा स्थितीत डान्स क्लब, पब आणि बार यांच्या सुरू राहण्यच्या वेळाही बदलण्यात आल्या आहेत. पण तरीही अनेक पब मालक हे नियम वारंवार तोडताना दिसत आहे. शेवटी सोमवारी २१ डिसेंबर रोजी मुंबई पोलिसांनी अंधेरी परिसरातील ड्रॅगन फ्लाय क्लबवर छापा टाकला आणि ३४ सेलिब्रिटींसह सात पबच्या कर्मचार्‍यांना अटक केली. असं म्हटलं जात आहे की पकडलेल्या सेलिब्रिटींमध्ये गायक , रॅपर , हृतिक रोशनची माजी पत्नी सुझान खान आणि माजी भारतीय क्रिकेटपटू यांचा समावेश आहे. निर्धारित वेळेपेक्षा जास्त काळ पब उघडण्याच्या गुन्ह्या प्रकरणी पोलिसांनी आयपीसीच्या कलम १८८ आणि २६९ अंतर्गत एफआयआर नोंदवण्यात आला आहे. दरम्यान, सीआरपीसीच्या कलम ४९ अंतर्गत सर्व सेलिब्रिटींनी नोटिस बजावून जामिनावर सोडले. वृत्तानुसार पहाटे ३ वाजता छापा टाकला जात असताना गुरु रंधावा, सुझान खान आणि रॅपर बादशाह मागील दरवाजातून पळून गेले. मात्र, पोलिसांनी सुरेश रैनाला ताब्यात घेतलं. सहआयुक्त (कायदा व सुव्यवस्था) विश्वास नागरे-पाटील यांनी यासंबंधी माहिती देताना म्हटलं की, 'माहिती मिळाल्यावर डीसीपी राजीव जैन यांच्या पथकाने हा छापा टाकला. रात्री हाय-प्रोफाइल पार्टी सुरू होती. एकूण ३४ जणांविरूद्ध एफआयआर नोंदविण्यात आला आहे. या पार्टीत दिल्ली आणि पंजाबमधील १९ जण होते तर दक्षिण मुंबईतील नऊजण होते. उर्वरित सातजण हे हॉटेलमधील कर्मचारी होते. सर्व ११ लोकांनी सकाळ ७ वाजताचं मुंबईहून दिल्लीला जाणारं विमान पकडलं.'
from Marathi Bollywood News, Marathi Cinema News https://ift.tt/2KvjldN
