मुंबई- अभिनेत्री नमर्ता शिरोडकर आज २२ जानेवारी रोजी तिचा वाढदिवस साजरा करत आहे. नम्रता दाक्षिणात्य सुपरस्टार याची पत्नी आहे. लग्नानंतर नम्रताने सिनेमांमध्ये काम करणं सोडून दिलं. नुकत्याच एका मुलाखतीत नम्रताने सिनेमांमध्ये काम करणं का सोडलं याचं कारण सांगितलं. याच कारणामुळे सिनेसृष्टीपासून दूर झाली नम्रता पत्नीने काम करू नये अशी महेश याची इच्छा होती. टाइम्स ऑफ इंडियाला दिलेल्या मुलाखतीत नम्रता म्हणाली की, 'पत्नीने काम करू नये या विचारावर महेश ठाम होता.' नम्रताला नाही सिनेसृष्टी सोडण्याचं दुःख २०१८ मध्ये एका इंग्रजी वृत्तपत्राला दिलेल्या मुलाखतीत ती म्हणाली होती की, 'करिअर मागे राहिल्याचं मला काही दुःख नाही. मी कधीच करिअरला आयुष्यात मुख्य स्थान दिलं नाही. याचा अर्थ असा नाही की मी माझं काम गांभीर्याने केलं नाही. पण मी कधी काम मागितलं नाही आणि प्रसिद्धी आणि पैशांची मागणी केली नाही. माझ्याकडे जे आलं ते मला मिळालं.' महेश बाबू आणि नम्रताने १० फेब्रुवारी २००५ मध्ये लग्न केलं होतं. जवळपास चार वर्ष दोघांनी एकमेकांना डेट केलं होतं. या काळात त्यांनी आपल्या रिलेशनशिपबद्दल कोणालाच कळू दिलं नव्हतं. म्हणून महेशसोबतच्या नात्याबद्दल कोणालाच नव्हतं सांगितलेलं रिलेशनशिपबद्दल कोणालाही न सांगितल्याबद्दल नम्रताने टाइम्स ऑफ इंडियाला सांगितलं की, 'महेशला नियमांप्रमाणे जगायला आवडतं. आम्ही चार वर्ष एकमेकांना डेट केलं. पण तरीही त्याला आपल्या नात्याबद्दल लोकांना कळावं असं वाटत नव्हतं. मीडियाकडून सारखं विचारलं जात होतं. पण महेशचं मत याबाबत निश्चित होतं. त्याला स्वतःच्या करिअरवर लक्ष केंद्रीत करायचं होतं. महेशसाठी कामापेक्षाही कुटुंब महत्त्वाचं आहे. अनेक कलाकारांमध्ये ही गोष्ट दिसत नाही. त्याला त्याचं स्टारडम आवडतं. पण ते स्टारडम तो डोईजड होऊ देत नाही.'
from Marathi Bollywood News, Marathi Cinema News https://ift.tt/3633c6M
