मुंबई- वरुण धवन आणि नताशा दलाल लग्नबंधनात अडकले आहेत. अलिबागमधील एका आलिशान रिसॉर्टमध्ये दोघांनी अगदी कमी नातेवाइकांच्या उपस्थितीत लग्न केलं. गेल्या अनेक वर्षांपासून वरुण- नताशाचं लग्न काही ना काही कारणांमुळे लांबणीवर पडत होतं. पण यावेळी त्यांनी अजून उशीर न करता करोना महामारीच्या काळात सर्व उपाय योजना आखत लग्न करण्याचा निर्णय घेतला. पण यावेळीही त्यांचं लग्न ठरलेल्या मुहूर्तावर न होता कित्येक तासांनंतर झालं. सकाळी होणार लग्न संध्याकाळी झालं. त्याचं झालं असं की, वरुण आणि नताशा २४ जानेवारीला सकाळच्या मुहूर्तावर लग्न करणार होते. पण दोघांना दुपारऐवजी संध्याकाळी लग्न करावं लागलं. लग्नाला उशीर होण्याचं मुख्य कारण २३ जानेवारीला करण्यात आलेली डीजे पार्टी होती. डीजेमुळे झाला सगळा गोंधळ पार्टीमध्ये डीजे बॉस्कोने जोरदार बॉलिवूड गाणी लावली होती. यावर उपस्थित साऱ्यांनीच बेभान होऊन पार्टी केली. ही पार्टी मध्यरात्रीपर्यंत सुरू होती. यामुळे दुसऱ्या दिवशीचं संपूर्ण वेळापत्रक बिघडलं गेलं. याचमुळे सकाळच्या लग्नाच्या विधींनाही उशीर झाला. मिळालेल्या माहितीनुसार, वरुण-नताशाचं लग्न सकाळी होणार होतं. पण लग्नाच्या विधींना दुपारी १२ वाजून ४५ मिनिटांनी सुरुवात झाली. यानंतरही बॉलिवूड गाण्यांवर नाच- गाणं सुरू होतं. हळदीनंतर संध्याकाळी नवरा मुलगा मंडपात येणार असल्याचं ठरलं. संध्याकाळी ७ वाजता वरुण मंडपात आला. यावेळी वरुण घोड्यावरून न येता Quad Bike वरून आला. या गाण्यांवर थिरकले सर्व 'आज मेरे यार की शादी है', 'झिंगाट', 'तेनु घोड़ी किसने चढ़ाया भूतनी के' या गाण्यावर सगळ्यांनीच भन्नाट डान्स केला. याशिवाय सलमान खानच्या सलाम-ए-इश्क सिनेमातील 'तेनु ले के मैं जावांगा' गाण्यावरही डान्स केला. रात्री उशीरापर्यंत चालली कॉकटेल पार्टी वरुण आणि नताशा यांच्या लग्नानंतर रात्री उशिरापर्यंत कॉकटेल पार्टी सुरू होती. लग्नाला करण जोहर, मनीष मल्होत्रा, अभिनेता आणि दिग्दर्शक कुणाल कोहली सारखे सेलेब्रिटी उपस्थित होते. याशिवाय त्यांच्या दोन्ही कुटुंबातील जवळचे नातेवाईकही लग्नाला सहभागी होते. करोना महामारीमुळे फक्त ४० लोकांच्या उपस्थितीत हे लग्न पार पडलं. पण तरीही याच्या तयारीत धवन कुटुंबियांनी काही कमी पडू दिलं नाही.
from Marathi Bollywood News, Marathi Cinema News https://ift.tt/3oiVjAq
