मुंबई- अलीकडेच शाहरुख खानच्या ‘’ सिनेमाच्या सेटवर दिग्दर्शक आणि सहाय्यक दिग्दर्शक यांच्यात भांडण झाल्याचं सांगण्यात आलं होतं. दोघांमध्ये बरीच बाचाबाची झाली आणि दोघांनी एकमेकांना मारहाणही केली. थोड्यावेळाने सिद्धार्थ आणि त्याचा सहाय्यक दिग्दर्शक यांच्यात असं काही झालं नसल्याच्याही बातम्या समोर आल्या. पण असं असतानाही सिनेमाचा निर्माता आदित्य चोप्रा याने सेटवरच्या सुरक्षेत कमालिची वाढ केली आहे. सूत्रांनी दिलेल्या माहितीनुसार 'पठाण' च्या सेटवर अजूनही ती घटना कोणीही विसरलेलं नाही. याआधी आदित्यच्या सिनेमाच्या सेटवर अशी कोणतीही घटना घडली नाही. ही घटना घडली तीही शाहरुखसारख्या बड्या स्टारच्या सिनेमाच्या सेटवर. यावरूनच सेटवर शिस्त नसल्याचं दिसून येतं. नेमकी याच गोष्टीमुळे आदित्यने घडलेल्या घटनेला गांभीर्याने घेत चौकशीचे आदेश दिले आहेत. तसेच सेटवरची सुरक्षा वाढवण्याचे आदेशही त्याने दिले आहेत. सूत्रांनी पुढे सांगितलं की, 'शाहरुखबद्दल बोलायचे झाले तर या घटनेनंतर त्याला सेटवरील महिलांच्या सुरक्षेची जास्त चिंता वाटत आहे. आम्ही सेटवर कोणालाही मारामारी करायला देऊ शकत नाही. हा बिअर बार नसून एक मोठा फिल्म सेट आहे.' पठाण सिनेमात शाहरुखसोबत दीपिका पादुकोणची मुख्य भूमिका आहे. विशेष म्हणजे या सिनेमात जॉन अब्राहम खलनायकाची भूमिका साकारताना दिसणार आहे. हे तीनही स्टार पहिल्यांदा एकत्र काम करत आहेत.
from Marathi Bollywood News, Marathi Cinema News https://ift.tt/3iDbyqO
