मुंबई- अभिनेता आणि त्याची गर्लफ्रेंड नताशा दलाल यांच्या लग्नाची चर्चा सध्या बी-टाउनमध्ये सुरू आहे. शुक्रवारी त्यांचं संपूर्ण कुटुंब अलिबागला रवाना झाले. करोनाचा धोका लक्षात घेता वरुणच्या लग्नाला कमीत कमी लोक बोलावण्याचा त्यांनी निर्णय घेतला आहे. बिग फॅट वेडिंग न करता लो- प्रोफाइल वेडिंग करण्याचा निर्णय त्यांनी यावेळी घेतला. म्हणूनच या लग्नाला बॉलिवूडच्या अनेक बड्या सेलिब्रिटींना आमंत्रित केलेलं नाही. आणि यांच्या कुटुंबियांना वरुणच्या लग्नाचं आमंत्रण देण्यात आलं नाही. वरुण-नताशाच्या लग्नात काही मोजके पाहुणे सहभागी होणार असल्याचं वृत्त आहे. अतिथींच्या यादीमध्ये सुमारे ४० नावं आहेत. ज्यात वरुण आणि नताशा या दोघांच्याही कुटुंबियांच्या नावांचा समावेश आहे. मात्र, अमिताभ बच्चन आणि गोविंदाच्या कुटुंबाची नावं या यादीमध्ये समाविष्ट केलेली नाहीत. हे पाहुणे २२ जानेवारी ते २६ जानेवारी या दिवसांमध्ये रिसॉर्टमध्येच मुक्काम करतील आणि त्यानंतर मुंबईला परततील. असे सांगितलं जात आहे की २४ जानेवारीला अलिबागच्या 'द मॅन्शन हाऊस' मध्ये लग्न होणार असून २६ जानेवारीला रिसेप्शन दिलं जाणार आहे. लग्नासाठी आवश्यक असलेल्या प्रायव्हसीचा भंग होऊ नये म्हणून लग्नासाठी चोख बंदोबस्त ठेवण्यात आला आहे. रिसॉर्टच्या परिसरात मोठ्या संख्येने सुरक्षा रक्षक उभे करण्यात आले आहेत. त्याचबरोबर अनेक ठिकाणी सीसीटीव्ही कॅमेरेसुद्धा लावण्यात आले आहेत. संगीत सोहळ्यात जाह्नवी आणि अर्जुन कपूर परफॉर्म करणार असल्याचं बोललं जात आहे. अनिल कपूर, सलमान खान, आलिया भट्ट, रणबीर कपूर, कतरिना कैफ सर्वजण संगीत सोहळ्याला उपस्थित राहणार असल्याचं बोललं जात आहे. वरुण आणि नताशा यांच्या लव्हस्टोरीबद्दल बोलायचं झालं तर, दोघं एकमेकांना लहानपणापासूनच ओळखत आहेत. शाळेत त्यांची मैत्री झाली. यानंतर दोघांच्या कुटुंबियांमध्ये मैत्री झाली. हे स्टार कपल गेल्या वर्षी व्हिएतनाममध्ये लग्न करणार होते. पण कोविड- १९ मुळे त्यांनी लग्न पुढे ढकललं होतं.
from Marathi Bollywood News, Marathi Cinema News https://ift.tt/3pbc7up
