मुंबई- बॉलिवूड अभिनेता याच्या निधनानंतर आणि तिच्या कुटुंबियांवर अनेक प्रश्न उपस्थित केले गेले. सुशांतच्या मृत्यूमध्ये रिया किंवा तिच्या कुटुंबियांचा हात असल्याचं अजूनही स्पष्ट झालं नाही. पण रिया आणि तिचा भाऊ शौविक चक्रवर्तीने सुशांतसाठी ड्रग्ज विकत घेतल्याचं () च्या चौकशीत उघड झालं आहे. यानंतर रिया आणि शौविक यांना काही काळ तुरुंगात रहावं लागलं होतं. सध्या दोघांची जामिनावर सुटका झाली आहे. आता रिया आणि शौविक दोघेही मुंबईत नवीन घराच्या शोधात फिरत असल्याचं दिसलं. रिपोर्ट्सनुसार, रियाचे कुटुंब मुंबईच्या वांद्रे भागात राहण्यासाठी घर शोधत आहे. तुरुंगातून बाहेर आल्यानंतर पहिल्यांदाच रिया आणि तिचा भाऊ शौविक एकत्र दिसले. यापूर्वी रियाचे वडील इंद्रजित चक्रवर्ती हेदेखील मुंबईत घर शोधत असल्याचं म्हटलं जात होतं. रिया चक्रवर्ती हिला ७ ऑक्टोबर २०२० रोजी जामिनावर सोडण्यात आले होते, तर याला २ डिसेंबर २०२० रोजी जामिनावर सोडण्यात आले. दरम्यान, रिया आणि शौविकचे वकील सतीश मानेशिंदे यांनी एक विधान जारी करत सीबीआयने एवढ्या दिवसांमध्ये नक्की काय तपास केला याबद्दल लोकांना सांगावं असं आवाहन केलं होतं. यासोबतच सतीश यांनी रिया आणि शौविक यांना खोट्या प्रकरणात अडकवण्याचा प्रयत्न केला जात असल्याचा मुद्दाही यावेळी पुन्हा एकदा मांडला. गेल्या अनेक महिन्यांपासून सीबीआयकडे सुशांतचं प्रकरण आहे. पण अद्याप ते कोणत्याही निष्कर्षापर्यंत पोहोचले नसून एजन्सीने न्यायालयात कोणतंही आरोपपत्रही दाखल केलेलं नाही.
from Marathi Bollywood News, Marathi Cinema News https://ift.tt/2LhEat8
