मुंंबई- गेल्या काही दिवसांपासून अशी बातमी येत होती की कपिल शर्माचा कॉमेडी शो '' लवकरच बंद होणार आहे. याचं मुख्य कारण म्हणजे हा शो नव्या स्वरुपात आणण्याचा निर्मात्यांचा मानस आहे. शो बंद होणार असल्याची माहिती जरी खरी असली तरी त्या मागचं कारण मात्र वेगळं आहे. टाइम्स ऑफ इंडियाने प्रसिद्ध केलेल्या वृत्तानुसार, 'द कपिल शर्मा शो' काही महिन्यांसाठी बंद करण्यात येणार आहे. नंतर तो परत लॉन्च करण्यात येईल. हा शो फेब्रुवारीच्या दुसर्‍या आठवड्यात ऑफ-एअर होईल असं सांगितलं जात आहे. 'द कपिल शर्मा शो' डिसेंबर २०१८ मध्ये ऑन-एअर झाला होता. कपिल व्यतिरिक्त, हा शो प्रसिद्ध करण्यात भारती सिंग, कृष्णा अभिषेक, चंदन प्रभाकर, किकू शारदा, सुमोना चक्रवर्ती आणि अर्चना पूरन सिंग यांच्या प्रमुख भूमिका आहेत. 'कोणतेही सिनेमे रिलीज होत नाहीत, कोणतेही स्टार प्रसिद्धीसाठी येत नाहीत' या शोशी संबंधित एका सूत्राने टाइम्स ऑफ इंडियाला सांगितलं की, 'शोची नव्याने रचना करण्याचा कोणताही मानस नाही. शोची धाटणीच लोकांना आवडते. मुळात या शोचा महत्त्वाचा घटक हा प्रेक्षक होता. पण करोना महामारीमुळे प्रेक्षकांना सेटवर येण्यास बंदी घालण्यात आली. या काळात फारसे सिनेमेही प्रदर्शित झाले नाही. त्यामुळे कोणतेही स्टार सिनेमाच्या प्रमोशनसाठी आले नाहीत. या सर्व कारणांमुळे निर्मात्यांनी काही महिने ब्रेक घेण्याचा निर्णय घेतला. सर्व काही ठीक झाल्यानंतर पुन्हा एकदा प्रेक्षकांच्या भेटीला येऊच. पत्नी गिन्नी आहे गरोदर, कपिलला द्यायचा आहे कुटुंबाला वेळ सूत्राने पुढे सांगितले की, 'दुसरी गोष्ट म्हणजे कपिलची पत्नी गिन्नी चतरथ गरोदर आहे. ती दुसऱ्यांदा आई होणार आहे. शोचा हा ब्रेक कपिलसाठी योग्य ठरेल. त्याला कुटुंबासोबत वेळही घालवता येईल. कदाचित 'द कपिल शर्मा शो' चांगल्या कन्टेटसह तीन महिन्यांनंतर परत येईल.' गेल्या काही महिन्यांत अनेक टीव्ही मालिकांनी ब्रेक घेतला आहे किंवा त्यांनी मालिका पूर्णपणे थांबवल्या आहेत. नवीन मालिकांनी किंवा शो ने त्यांचं स्थान घेतलं आहे. 'द कपिल शर्मा शो' ऑफ- एअर जाणार असल्याच्या बातमीमुळे चाहते निराश होतील, पण लवकरच ते नवीन जोमाने परत येतील अशी आशा आहे.
from Marathi Bollywood News, Marathi Cinema News https://ift.tt/2YcfXrq
