मुंबई: वादग्रस्त ट्विट आणि वक्तव्यामुळं नेहमीच चर्चेत असलेलं बॉलिवूडमधील एकमेव नाव म्हणजे, अभिनेत्री हिचं. सोशल मीडियावर तिच्या आठवणी, तिचे अनुभव नेहमीच शेअर करत असते. कंगनानं नुकतीच तिला मिळालेल्या पहिल्या राष्ट्रीय पुरस्कारासंदर्भातील एक आठवण शेअर केली आहे. तीन राष्ट्रीय पुरस्कार, चार आणि अशा अनेक मोठ्या पुरस्कारांनी कंगनाला गौरवण्यात आलं आहे. मात्र, पहिला स्वीकारताना कंगनाकडं नवीन डिझायनर ड्रेस घेण्याइतकेही पैसे नव्हते, असं तिनं एका ट्विटमध्ये म्हटलं आहे. ‘फॅशन’ या गाजलेल्या चित्रपटासाठी कंगनाला सर्वोत्कृष्ट सहाय्यक अभिनेत्रीचा राष्ट्रीय पुरस्कार मिळाला होता. या सोहळ्यात तिला तत्कालीन राष्ट्रपती यांच्या हस्ते हा पुरस्कार प्रदान करण्यात आला होता. या सोहळ्यातील काही फोटो सध्या सोशल मीडियावर व्हायरल झाले आहेत. हा पुरस्कार स्वीकारताना कंगनानं काळ्या रंगाचा अनारकली ड्रेस परिधान केल्याचं दिसून येतंय. याच ड्रेससंदर्भातली एक आठवण कंगनानं शेअर केली आहे. 'माझा पहिला राष्ट्रीय पुरस्कार. या सोहळ्याच्या अनेक आठवणी आहेत. कमी वयात हा पुरस्कार पटकावणाऱ्या अभिनेत्रींपैकी मी एक होते. त्यातच महिला राष्ट्रपतींच्या हस्ते पुरस्कार स्वीकारणं ही फार मोठी गोष्टी आहे. मी परिधान केलेला ड्रेस मी स्वत: डिझाइन केला आहे. त्यावेळी एक नवीन ड्रेस घेण्यासाठीही माझ्याकडं पैसे नव्हते. इतका वाईटही दिसत नाहीए ना? हा ड्रेस?,' असं ट्विट कंगनानं केलं आहे.
from Marathi Bollywood News, Marathi Cinema News https://ift.tt/3cfAKCR
