मुंबई: अभिनेत्री हिच्यासाठी यंदाचं वर्ष खास आहे. त्याचं कारणही तसंच आहे. तिच्या हाती ‘’ हा चित्रपट आहे. अभिनेता प्रभाससोबतचा हा चित्रपट आधीपासूनच चर्चेत आहे. नुकतंच पूजानं या चित्रपटाचं चित्रीकरण संपवलं. चित्रीकरण संपल्याचं सेलिब्रेशन पूजानं सेटवर केक कापून केलं. विशेष म्हणजे, जगभरातले व्यवहार पूर्वपदावर यायला सुरुवात झाली, तेव्हा या चित्रपटाची टीम जॉर्जिया इथं गेली आणि वेगानं तिथलं चित्रीकरणाचं शेड्यूल त्यांनी पूर्ण केलं. गेल्या वर्षी जानेवारी महिन्यात या चित्रपटाचं काम सुरू झालं होतं. पूजाच्या हाती आणखी एक मोठा चित्रपट आहे. ती सलमान खानसोबत ‘कभी ईद कभी दिवाली’ या चित्रपटातही दिसणार आहे. रोहित शेट्टीचा ‘सर्कस’ हा आणखी एक चित्रपट ती करतेय, ज्यात रणवीर सिंग आणि जॅकलिन फर्नांडिस हे तिचे सहकलाकार आहेत. त्यामुळेच यंदाचं वर्ष तिच्यासाठी खास असणार आहे. एकापाठोपाठ एक मोठे चित्रपट प्रदर्शनासाठी तयार असणार आहेत. यापूर्वी हृतिक रोशनसोबत तिनं केलेल्या ‘मोहेंजोदडो’ या चित्रपटानं बॉक्स ऑफिसवर मान टाकली. त्यामुळे बिग बजेट चित्रपटांत ती पुन्हा दिसणार का, अशा प्रश्न समीक्षकांनी उपस्थित केला होता. तिच्या हाती असलेले चित्रपट पाहता, पूजानं बाजी मारली आहे, असंच म्हणावं लागेल.
from Marathi Bollywood News, Marathi Cinema News https://ift.tt/3olNWIN
