मुंबई- अलीकडेच याची प्रमुख भूमिका असलेल्या '' वेब सीरिजवर अनेक वाद निर्माण झाले आहेत. हिंदू देवी-देवतांची मस्करी करणं आणि असभ्य भाषा वापरणं यांसारखे अनेक आरोप या सीरिजवर करण्यात आले आहेत. एवढंच नाही सीरिजविरोधातला वाढता वाद लक्षात घेता निर्मात्यांनी सीरिजमध्ये आवश्यक ते बदल करण्याचं मान्य केलं आहे. असं असलं तरी या सीरिजचा वाद थांबण्याचं नाव घेत नाहीए. महाराष्ट्र करणी सेनेने वेब सीरिजमधील कलाकार आणि दिग्दर्शकावर राग व्यक्त केला आहे. त्यांच्या म्हणण्यानुसार, जो कोणी वेब सीरिजमधील कलाकार आणि दिग्दर्शकाची जीभ छाटून आणेल त्याला १ कोटी रुपयांचं बक्षीस देण्यात येईल. महाराष्ट्र करणी सेनेचे प्रमुख अजय सेंगर यांनी म्हटलं की हिंदू देवतांचा अपमान सहन केला जाणार नाही आणि जो कोणी 'तांडव' मध्ये काम केलेल्यांची जीभ छाटून आणेल त्याला बक्षिस दिलं जाईल. अॅमेझॉन या ओटीटी प्लॅटफॉर्मवर रिलीज झालेल्या 'तांडव' वेब सीरिजमध्ये सैफ अली खान व्यतिरिक्त डिंपल कपाडिया, सुनील ग्रोवर, तिग्मांशू धूलिया, दिनो मोरिया, कुमुद मिश्रा, मोहम्मद झीशान अयूब, गौहर खान आणि कृतिका कामरा यांच्या प्रमुख भूमिका आहेत. अली अब्बास जफरने या वेब सीरिजचं दिग्दर्शन केलं आहे.
from Marathi Bollywood News, Marathi Cinema News https://ift.tt/3sX1bCU
