मुंबई: अभिनेता त्याची प्रदीर्घ काळाची मैत्रीण हिच्यासोबत लवकरच लग्नगाठ बांधणार आहे. येत्या दोन दिवसांत म्हणजेच २४ जानेवारी रोजी ही जोडी अलिबाग इथल्या अलिशान रिसॉर्टमध्ये विविहाबंधनात अडकणार आहे. करोनाच्या पाश्वभूमीवर लग्न सोहळ्याला कुटुंबिय आणि काही निवडक मित्रमंडळी उपस्थित राहणार आहेत. मिळालेल्या माहितीनुसार बॉलिवूडधील अनेक सेलिब्रिटी वरुणच्या लग्नात सहभागी होणार आहेत. वरुण आणि नताशाच्या लग्नापूर्वीच्या कार्यक्रमांना आता सुरुवात होणार आहेत. सर्वातआधी संगीत सोहळा होणार असून यात करण जोहर, मनीष मल्होत्रा यांच्यासोबतच अर्जुन कपूर-मलाइका अरोराही खास डान्स करणार आहेत. जाह्नवी कपूर-खुशी कपूर, नीतू कपूर, कियारा अडवाणी, अनिल कपूर, रिया कपूर आणि हर्षवर्धन कपूर या कार्यक्रमात सहभागी होणार असल्याची माहिती आहे. सलमान खानही होणार सहभागी?डेव्हिड धवन आणि सलमान खान यांच्यात मैत्रिचं नातं असल्यानं सलमान खानही वरुण-नताशाच्या लग्नाला उपस्थित राहणार असल्याचं म्हटलं जात आहे. काटेकोर सुरक्षा हायप्रोफाइल लग्न असल्यानं विवाहस्थळी काटेकोर सुरक्षा व्यवस्था ठेवण्यात आली आहे. गेल्या आठवड्याभरापूर्वीपासूनच विवाहस्थळ असलेलं रिसॉर्ट बाहेरच्या व्यक्तींसाठी बंद केलं आहे. रिसॉर्टच्या चारही बाजूंनी मोठे पडदे लावण्यात आले आहेत. तसंच तिथल्या कर्मचाऱ्यांना देखील मोबाइल फोनचा वापर न करण्याची सक्त ताकीद देण्यात आली आहे. नताशा दलालचा 'मंगेतर' असा उल्लेख गेल्या काही काळापासून वरुण नताशाबरोबर रिलेशनशिपमध्ये आहे, पण तो आपल्या वैयक्तिक आयुष्याविषयी फारसं बोलत नव्हता. तो अधूनमधून नताशाबरोबरचे फोटो शेअर करतो. अलीकडे ते अनेकदा सार्वजनिक ठिकाणी एकत्र दिसू लागले. सोशल मीडियावर परस्परांचे फोटो देखील शेअर करतात. वरुणनं अलीकडेच दिलेल्या मुलाखतीत आपल्या रिलेशनबाबतचा खुलासा केला होता. त्याचं लग्न केव्हा होणार याबद्दल विचारलं असता वरुण म्हणाला होता की, 'प्रत्येक जण मागील दोन वर्षांपासून याबद्दल बोलत आहेत. पण सध्या काहीच ठोस नाही. सध्या जगात इतकी अनिश्चितता आहे, पण जर परिस्थिती सुधारली तर लवकरच कदाचित यावर्षीच लग्न होईल.' तसंच अलीकडेच झालेल्या करीना कपूरच्या 'व्हॉट वुमेन वॉन्ट' या शोमध्ये वरुणनं गर्लफ्रेंड नताशा दलालचा 'मंगेतर' असा उल्लेख केला होता.
from Marathi Bollywood News, Marathi Cinema News https://ift.tt/39P1bMI
