मुंबई- दक्षिणात्य सुपरस्टार राम चरण, ज्युनिअर एनटीआर, , श्रिया सरन आणि यांच्या मुख्य भूमिका असलेल्या आरआरआर हा चित्रपट बर्‍याच काळापासून चर्चेत आहे. आता या चित्रपटाच्या प्रदर्शनाची तारीख जाहीर झाली आहे. स्वत: आलिया भट्ट हिने सोशल मीडियावर या चित्रपटाचं पोस्टर शेअर करून चित्रपटाच्या प्रदर्शनाची तारीख जाहीर केली आहे. 'बाहुबली' सारख्या सुपरहिट सीरिजचं दिग्दर्शन करणारे एस.एस. राजामौली यांच्या दिग्दर्शनाखाली तयार झालेला हा चित्रपट १३ ऑक्टोबर २०२१ रोजी चित्रपटगृहात प्रदर्शित होणार आहे. चित्रपटाचं पोस्टर आणि रिलीजची तारीख शेअर करत आलियाने आपल्या ट्वीटमध्ये लिहिले की, 'आरआरआरसाठी तयार व्हा, १३.१०.२०२१ रोजी थिएटरमध्ये.' हा चित्रपट १९२० मधील क्रांतिकारक अल्लुरी सितारामा राजू आणि कोरामाराम भीमा यांच्या जीवनावर आधारित आहे. हा मल्टीस्टारर पीरियड ड्रामा चित्रपट ८ जानेवारी २०२१ रोजी प्रदर्शित होणार होता. पण करोना व्हायरसमुळे या चित्रपटाचं प्रदर्शम पुढे ढकलण्यात आलं. चित्रपटाचा क्लायमॅक्स सीन सध्या चित्रीत करण्यात आला आहे. हा चित्रपट तमिळ, हिंदी, तेलगू, कन्नड आणि मल्याळम या पाच भाषांमध्ये प्रदर्शित होणार आहे.
from Marathi Bollywood News, Marathi Cinema News https://ift.tt/3sUZVjT
