मुंबई- बंगळुरूच्या वृद्धाश्रम आणि पुनर्वसन केंद्रात कन्नड अभिनेत्री जयश्री रमैया सोमवारी मृत अवस्थेत आढळली. तिचा मृतदेह लटकलेल्या अवस्थेत आढळला. जयश्रीची आत्महत्याची बातमी समोर येताच अनेकांना आश्चर्याचा धक्का बसला. असं सांगितलं जात आहे की जयश्री बऱ्याच दिवसांपासून नैराश्यग्रस्त होती. संध्या किरण आश्रमात तिच्यावर उपचारही सुरू होते. पण या सगळ्यात जयश्रीने करत मरणाला जवळ करणं अधिक सोप्पं समजलं. बिग बॉसचाही होती भाग जयश्रीने बिग बॉस कन्नडच्या तिसर्‍या सीझनमध्येही भाग घेतला होता. रिपोर्टनुसार, रिअॅलिटी शोमध्ये भाग घेतल्यानंतर तिला जास्त काम मिळत नव्हतं आणि यामुळे ती खूप उदास झाली होती. काम न मिळाल्याबद्दल तिने आपल्या मित्रांनाही सांगितलं होतं. गेल्या वर्षी केली होती इच्छामरणाची मागणी दरम्यान, गेल्या वर्षी जयश्री रमैया हिने फेसबुक पोस्टच्या माध्यमातून आपल्या डिप्रेशनबद्दल माहिती दिली होती. यासोबतच तिने असंही म्हटलं होतं की ती डिप्रेशनमुळे लढू शकत नाही आणि याचमुळे तिने इच्छामरणाची मागणी केली होती. अभिनेत्रीने सांगितलं होतं की ती आर्थिकदृष्ट्या स्थिर आहे पण लहानपणापासूनच फसवलं गेल्यामुळे ती नैराश्यात गेली. जयश्रीला सारखं वाटायचं काही गमावत आहे जयश्रीने पुढे खुलासा केला की, तिला स्वतःला हरवल्यासारखं वाटायचं. तिने एका लाइव्ह सेशनमध्ये सांगितलं होतं की, 'मी हे सर्व प्रसिद्धीसाठी करीत नाही. मला सुदीप सरांकडूनही आर्थिक मदतीची अपेक्षा नाही. मी फक्त माझ्या मृत्यूची अपेक्षा करत आहे कारण मी नैराश्याविरुद्ध लढण्यास सक्षम नाही. मी एक चांगली मुलगी नाही. कृपया मला इच्छा मरण द्या.'
from Marathi Bollywood News, Marathi Cinema News https://ift.tt/3op6Oql
