मुंबई: बिग बॉस १४ मध्ये आणि ही जोडी सर्वात हिट ठरली. शोच्या अगदी सुरुवातीपासून या दोघांनाही प्रेक्षकांचं भरभरून प्रेम मिळालं. पण काही दिवसांनंतर सर्वांना त्यांच्या नात्याती त्या कठीण काळाविषयी समजलं. ज्यावेळी या दोघांनीही घटस्फोट घेण्याचा विचार केला होता. काही दिवसांपूर्वी अभिनव बिग बॉसच्या घरातून बाहेर पडला. त्यानंतर दिलेल्या एका मुलाखतीत त्यानं त्याच्या आणि रुबीनाच्या नात्यावर भाष्य केलं आहे. बिग बॉसच्या घरातून बाहेर पडल्यानंतर अभिनवनं अनेक मुलाखती दिल्या आहेत. ज्यात त्यानं बिग बॉसच्या घरातील आणि बाहेरील अनेक गोष्टींबाबत सविस्तर सांगितलं आहे. यासोबतचं अभिनवनं या संपूर्ण प्रवासातील त्याच्या चांगल्या आणि वाईट अनुभवांविषयी सुद्धा सांगितलं आहे. या दरम्यान एका मुलाखतीत त्याला रुबीनासोबत घटस्फोट घेण्याविषयी प्रश्न विचारण्यात आले. ज्यावर उत्तर देताना अभिनवनं खूपच सरळ आणि समंजसपणे यावर आपले विचार मांडले आणि सध्याच्या परिस्थितीसाठी बिग बॉसचे आभार मांडले. अभिनव म्हणाला, 'मी आणि रुबीना आता घटस्फोट घेणार नाही. बिग बॉस हाऊसमध्ये आमचं नातं आणखी घट्ट झालं. एक वेळ होती की आमच्या दोघांमधील भांडणं आम्हाला खूप मोठी वाटत होती. पण आता ती भांडणं खूपच लहान वाटतात. बिग बॉस हाऊसमध्ये आम्ही एकमेकांच्या जास्त जवळ आलो.' बिग बॉसच्या एका एपिसोडमध्ये रुबीनानं आपल्या खासगी आयुष्याविषयी बोलताना सर्वात मोठा खुलासा करत घटस्फोटाविषयी सांगितलं होतं. ती म्हणाली, 'आम्ही एकमेकांना नोव्हेंबर पर्यंतची वेळ दिली होती. अभिनवची ही अट होती की, जर त्यानंतरही आमच्यात मतभेद होतच राहिले तर आपण घटस्फोट घ्यायचा.' पण सुदैवानं बिग बॉस हाऊसमध्ये या दोघांमधील मतभेद आणि दुरावा कमी होऊन ते दोघं पुन्हा एकमेकांचा जवळ आले.
from Marathi Bollywood News, Marathi Cinema News https://ift.tt/3u04kT1
