मुंबई: व्हॅलेंटाइन डेच्या निमित्तानं सगळीकडे प्रेमाचा रंग पसरला आहे. अशात बॉलिवूड सेलिब्रेटी सुद्धा रोमँटिक मूडमध्ये असल्याचं पाहायला मिळत आहे. सोशल मीडियावर अनेक सेलिब्रेटींनी पोस्ट करत आपापल्या पार्टनर्सना व्हॅलेंटाइन डेच्या शुभेच्छा दिल्या आहेत. ज्यात अभिनेत्री मलायका अरोराचाही समावेश आहे. मलायकानं अर्जुन कपूरचा एक फोटो सोशल मीडियावर शेअर करत व्हॅलेंटाइन डेच्या शुभेच्छा दिल्या आहेत. मलायका अरोरानं तिच्या इन्स्टाग्राम स्टोरीवर एक पोस्ट केली आहे. तिनं या स्टोरीमध्ये अर्जुन कपूरचा फोटो पोस्ट केला आहे. ज्यात अर्जुनच्या टी-शर्टवर 'लव्ह इज इन द एअर' असा मेसेज लिहिलेला आहे. या फोटोमध्ये अर्जुनचा चेहरा दिसत नाही आहे. पण मलायकानं या पोस्टमध्ये अर्जुनला टॅग केलं आहे ज्यावरून या फोटोमधील व्यक्ती ही आहे असा अंदाज लावला जात आहे. नुकताच अर्जुन आणि मलायकाचा एक व्हिडीओ खूप व्हायरल झाला होता. ज्यात मलायका आणि अर्जुन एका इमारतीतून बाहेर पडताना दिसत आहे. त्यावेळी अर्जुन मलायकाच्या आधी तिच्या कार जवळ पोहोचतो आणि तिच्यासाठी कारचा दरवाजा उघडताना दिसत आहे. त्याच्या या कृतीनं सर्व चाहत्यांची मनं जिंकली आहेत. अनेकांनी या व्हिडीओच्या कमेंटमध्ये अर्जुनच्या वागण्याचं कौतुक केलं आहे.
from Marathi Bollywood News, Marathi Cinema News https://ift.tt/3pj3LAq
