मुंबई: अभिनेता आणि गायक फेक न्यूजची शिकार झाला. एका न्यूज चॅनेलनं अध्ययाननं आत्महत्या केल्याची खोटी बातमी दाखवल्यानंतर अध्ययन आणि त्याच्या कुटुंबीयांना बराच मनस्ताप सहन करावा लागला आहे. याबाबत अध्ययनचे वडील यांनी हे सर्व अतिशय निंदनीय असल्याची प्रतिक्रिया गिली होती. पण त्यानंतर आता अध्ययनने सुद्धा प्रतिक्रिया देत या घटनेबाबत आपला राग व्यक्त केला आहे. तसेच संबंधित चॅनेलवर कायदेशीर कारवाई करणार असल्याचंही त्यानं म्हटलं आहे. अध्ययन सुमनचा एक व्हिडीओ सध्या सोशल मीडियावर व्हायरल होताना दिसत आहे. ज्यात त्यानं म्हटलं आहे की, 'जर मी आत्महत्या केली असेन तर कदाचित आता माझं भूत तुमच्याशी बोलत आहे. हे सर्व खूपच निंदनीय आहे. मी त्यावेळी दिल्लीत होतो. मला लोकांचे कॉल यायला सुरुवात झाली त्यावेळी मला हे सर्व समजलं. मिटिंगमध्ये असल्यानं मी अनेकांचे कॉल सुद्धा रिसिव्ह केले नव्हते. अध्ययन पुढे म्हणाला, 'माझ्या आईला या घटनेनं सर्वात जास्त धक्का बसला आहे. आपल्या मुलासोबत असं काही तरी घडू शकतं यावर तिचा आताही विश्वास बसत नाहीये. मी जेव्हा तिच्याशी फोनवर बोललो तेव्हा ती शांत झाली. मी स्वतः या प्रकाराने हैराण झालो आहे. आताही मला अनेकांचे कॉल येत आहेत.' अध्ययन सांगतो, 'जर कोणत्याही आई-बाबांना त्यांच्या आत्महत्येची बातमी अशाप्रकारे समजली तर त्यांच्यावर काय परिस्थिती ओढावेल. ही खूपच चुकीची गोष्ट आहे आणि मी आत्महत्या केली असं लिहिण्याची या चॅनेलला का गरज पडली. मी माझ्या आयुष्यात खूप आनंदी आहे. खूप मेहनत करत आहे. मला आत्महत्या करण्याची काहीच गरज नाही आणि मी तर म्हणेन की कोणीही असं चुकीच पाऊल कधीच उचलू नये. तुम्ही अशाप्रकारे एखाद्या व्यक्तीबद्दल खोटं वक्तव्य कसं करू शकता असं करताना तुम्हाला लाज वाटली पाहिजे.' दरम्यान अध्ययनचा हा व्हिडीओ सोशल मीडियावर व्हायरल होताना दिसत आहे. एका न्यूज चॅनेलनं शेखर सुमन यांचा मुलगा अध्ययन सुमनच्या आत्महत्येची बातमी दाखवली होती. ही बातमी पाहताच कुटुंबीयांनी अध्ययनला संपर्क करण्याचा प्रयत्न केला होता मात्र काही तांत्रिक अडचणींमुळे त्याच्याशी संपर्क होऊ शकला नाही. काही वेळानं अध्ययननं कुटुंबीयांशी संपर्क केल्यावर ही बातमी खोटी असल्याचं निष्पन्न झालं. पण दरम्यानच्या काळात त्याच्या कुटुंबीयांना प्रचंड मानसिक त्रास सहन करावा लागला.
from Marathi Bollywood News, Marathi Cinema News https://ift.tt/2ZEA0j5
