मुंबई- राजीव कपूर यांच्या जाण्याचा सर्वात मोठा धक्का त्यांचे मोठे भाऊ यांना बसला आहे. त्यांचे इस्पितळातून बाहेर येतानाचे काही फोटो आणि व्हिडिओ समोर आले आहेत. यात रणधीर कपूर इतरांचा आधार घेऊन चालताना दिसत आहेत. करोनापासून बचावासाठी त्यांनी चेहऱ्याला मास्कही लावला आहे. पण त्यांच्या मनातलं दुःख तो मास्कही लपवू शकला नाही. अहवालानुसार राजीव कपूर यांना हृदयविकाराचा झटका आला होता. यानंतर भाऊ रणधीर कपूर त्यांना चेंबूरच्या जवळच्या हॉस्पिटलमध्ये घेऊन गेले. मात्र उपचार सुरू होण्यापूर्वीच डॉक्टरांनी त्यांना मृत घोषित केलं. भावाच्या निधनाबद्दल सांगताना रणधीर म्हणाले की, 'आज मी माझ्या छोट्या भावाला राजीवला गमावलं. डॉक्टरांनी त्याला वाचवण्याचे प्रयत्न केले. पण त्याचे प्राण वाचवू शकले नाही. पुढील सर्व कामांसाठी आता मी इस्पितळातच आहे.' या घटनेची माहिती मिळताच सोशल मीडियावर चाहत्यांनी आणि सेलिब्रिटींनी दुःख व्यक्त करत संपूर्ण कपूर कुटुंबाला या कठीण प्रसंगी खंबीर राहण्याचा सल्ला दिला. राजीव यांच्या चेंबुर येथील घरी अंत्य दर्शनासाठी कुटुंबातील इतर सदस्य आणि सिनेसृष्टीतील जवळचे सदस्य येऊ लागले आहेत. राजीव कपूर हे विशेषतः 'राम तेरी गंगा मैली' (१९८५) आणि 'एक जान हैं हम' (१९८३) मधील अभिनयासाठी प्रसिध्द आहेत. ऋषी कपूर यांची मुख्य भूमिका असलेल्या 'प्रेमग्रंथ' सिनेमाचं दिग्दर्शनही त्यांनी केलं होतं. नितू कपूर यांनी राजीव कपूर यांचा फोटो सोशल मीडियावर शेअर करून त्याच्या जाण्याचं दुःख व्यक्त केलं.
from Marathi Bollywood News, Marathi Cinema News https://ift.tt/2MFTxwN
