मुंबई- बॉलिवूड अभिनेत्री तिच्या उत्कृष्ट अभिनयासाठी तर ओळखली जातेचं शिवाय ती तिच्या तडफदार बोलण्यामुळेही चाहत्यांमध्ये प्रसिद्ध आहे. कंगना प्रत्येकवेळी स्वतःची मतं ठामपणे मांडत आली आहे. ती कोणाच्याही दबावाला बळी न पडता स्वतःसाठी उभी राहिली आहे. आता कंगनाच्या एका उत्तराची चर्चा सोशल मीडियावर चांगलीच रंगली आहे. तिची एक पोस्ट सोशल मीडियावर व्हायरल होत आहे, ज्यात तिने काँग्रेस नेत्याला खडे बोल सुनावले आहेत. मुलताईमधून निवडून आलेले काँग्रेस नेते सुखदेव पांसे यांनी कंगनाला नाचणारी आणि गाणारी म्हटलं होतं. आता कंगनाने त्यांच्या या वक्तव्याला उत्तर दिलं आहे. कंगनाने म्हटलं, 'हा मूर्ख माणूस कोण आहे मला माहीत नाही. त्याला कदाचित हे माहीत नाही की, मी दीपिका, कतरीना किंवा आलिया नाही. मी एकमेव अशी अभिनेत्री आहे जिने आयटम नंबर करायला नकार दिला आहे. कित्येक मोठ्या दिग्गज कलाकारांसोबत काम करण्यास मी नकार दिलाय. त्यामुळे पूर्ण बॉलिवूडची गॅंग मग त्या अभिनेत्री असुदेत किंवा अभिनेते माझ्या विरोधात उभे आहेत. मी एक राजपूत आहे, मी कंबर नाही हलवत, मी समोरच्याची हाडं मोडते.' असं म्हणत कंगनाने काँग्रेस नेत्याचा समाचार घेतला आहे. कंगनाने काँग्रेस नेत्याला दिलेलं हे उत्तर सध्या सोशल मीडियावर प्रचंड व्हायरल होत आहे. प्रत्येकजण तिच्या या उत्तराचं कौतुक करत आहे. कंगना सध्या मध्यप्रदेश येथे तिचा आगामी 'धाकड' चित्रपटाचं चित्रीकरण करत आहे. त्यादरम्यान, ती पुरी येथील जगन्नाथ मंदिरात दर्शनासाठी गेली असताना मास्क न लावल्यामुळे ट्रोल झाली होती. यूझर्सनी तिला मास्क का लावला नाही, अशी विचारणा केली होती. या चित्रपटाशिवाय ती 'थलायवी' आणि तेजस' या चित्रपटांत दिसणार आहे.
from Marathi Bollywood News, Marathi Cinema News https://ift.tt/3kaGpvF
