मुंबई: टीव्ही शो जगभरात लोकप्रिय आहे. हा शो होस्ट करतो. त्याचा सोशल मीडियावर स्वतःचा वेगळा चाहता वर्ग आहे. बेयर ग्रिल्सनं यांच्यासोबत सुद्धा एक एपिसोड केला होता. त्यानंतर देशात सुरू असलेल्या शेतकरी आंदोलनदरम्यान बेयर ग्रील्सनं पंतप्रधान मोदींसोबतचा एक फोटो शेअर करत ट्वीट केलं आहे. या ट्वीटनं सर्वांचं लक्ष वेधून घेतलं आहे. बेयर ग्रील्सनं पंतप्रधान नरेंद्र मोदी यांच्या सोबतचा एक फोटो ट्विटरवर शेअर केला आहे. या फोटोमध्ये बेयर ग्रिल्स आणि पंतप्रधान नरेंद्र मोदी नदी किनाऱ्यावर बसलेले दिसत आहेत. या दरम्यान आलेल्या पावसामुळे दोघेही भिजलेले आहेत. बेयरच्या हातात चहाचा फ्लास्क असून जो खोलण्याचा प्रयत्न तो करत आहे. बेयर ग्रिल्सनं पंतप्रधान नरेंद्र मोदींसोबतचा हा फोटो शेअर करताना लिहिलं, 'माझ्या आवडत्या काही फोटोंपैकी एक: डिस्कव्हरीवरील आमच्या जंगल अॅडव्हेंचर एपिसोडच्या शूटिंग दरम्यान पावसात भिजल्यावर पंतप्रधान मोदी यांच्यासोबत चहा पिताना. हा क्षण आठवण करून देतो की, जंगल एक वेगळी जागा आहे. मुखवटे आणि विशिष्ट पदवीच्याही पुढे गेलं तर आपण सर्वच एकमेकांसारखे आहोत.' या ट्वीटबाबतची सर्वात विशेष गोष्ट अशी की, बेयर ग्रिल्सनं हे ट्वीट अशा वेळी केलं आहे. जेव्हा संपूर्ण जगभरातून भारतात सुरू असलेल्या शेतकरी आंदोलनावर बोललं जात आहे. पॉप स्टार रिहानापासून ते ग्रेटा थनबर्गपर्यंत अनेक आंतरराष्ट्रीय सेलिब्रेटींनी या आंदोलनात शेतकऱ्यांना पाठिंबा दिला आहे. या दरम्यान बेयर ग्रिल्सचं हे ट्वीट खूप चर्चेत आलं आहे. एका युजरनं यावर कमेंट करताना लिहिलं, 'या ट्वीटचं टायमिंग हे अगदीच अविश्वसनिय आणि लज्जास्पद आहे.' तर अनेक युजरनी बेयरला 'आता हा फोटो का ट्वीट केला?' असा प्रश्न विचारला आहे. मॅन वर्सेस वाइल्ड शो बद्दल बोलायचं तर हा शो डिस्कव्हरी चॅनेलवर प्रसारित केला जातो. ज्यात बेयर ग्रिल्स अशा काही गोष्टींबद्दल माहिती देतो. ज्याची तुम्हाला डोंगर, जंगल किंवा यासारख्या कोणत्याही कठिण परिस्थितीत अडकल्यावर तुम्हाला तिथे उपयोगी पडू शकतात. जेव्हा पंतप्रधान नरेंद्र मोदी या शोमध्ये सहभागी झाले होते. त्यावेळी हा शो जगभरात टॉप ट्रेंडिंगमध्ये होता.
from Marathi Bollywood News, Marathi Cinema News https://ift.tt/3oVINY6
