मुंबई- आपल्या उत्कृष्ट नृत्याच्या जोरावर बॉलिवूडमध्ये आपली वेगळी जागा निर्माण करणारी चाहत्यांच्या गळ्यातला ताईत बनली आहे. सोशल मीडियावरही नोराची चांगलीच चर्चा असते. 'दिलबर गर्ल' नोरा आज तिचा २९ वा वाढदिवस साजरा करत आहे. नोराचा जन्म ६ फेब्रुवारी १९९२ साली कॅनडामध्ये झाला होता. ती एक सुंदर अभिनेत्री व नृत्यांगना तर आहेच, त्यासोबत एक मॉडेलदेखील आहे. नोराने २०१४ मध्ये 'रोर' या चित्रपटातून बॉलिवूडमध्ये पदार्पण केलं होतं. त्यानंतर तिला तेलुगू चित्रपटांच्या ऑफर्स येऊ लागल्या. ''बिग बॉस सिजन ९' मध्ये झळकल्यावर तिला खऱ्या अर्थाने प्रसिद्धी मिळाली. तिने प्रेक्षकांच्या मनात स्वतःची जागा निर्माण केली. २०१६ साली 'झलक दिखला जा' च्या मंचावर तिने तिची नृत्यामधील खरी प्रतिभा दाखवली. खूप कमी जणांना माहीत आहे की, नोरा फक्त नृत्यातच नाही तर मार्शल आर्टस् मध्येही पारंगत आहे. आपल्या नृत्याने इण्डस्ट्रीला वेड लावणारी नोरा वैयक्तिक आयुष्यात सचिन तेंडुलकरची चाहती आहे आणि युवराज सिंहची चांगली मैत्रीण आहे. तिला क्रिकेट खेळात विशेष रुची आहे. नोरा जेव्हा कॅनडाहून भारतात आली होती तेव्हा, तिच्याकडे फक्त ५००० रुपये होते. फिल्म इण्डस्ट्रीमध्ये येण्यासाठी नोराने अनेक संकटांचा सामना केला आहे. एक मुलाखतीत तिने सांगितलं की, पोट भरण्यासाठी ती कॉफी शॉपमध्येकाम करायची. तिने टेलीकॉलरची नोकरीही केली. या नोकरीत ती लॉटरीची तिकिटे विकत होती. सहा महिने काम करून तिने ती नोकरी सोडली होती. आता नोरा आपल्या आयुष्यात अत्यंत यशस्वी असून तिच्याकडे कामाची काहीच कमी नाहीये. काही दिवसांपूर्वी ती एक डान्स शोमध्ये परीक्षक म्हणूनही दिसली होती. एका दिवसापूर्वीच नोराचं 'छोड देंगे' हे गाणं युट्यूबवर प्रदर्शित झालं असून ते दोन दिवसात ३२ मिलियन पेक्षा जास्त लोकांनी पाहिलं आहे.
from Marathi Bollywood News, Marathi Cinema News https://ift.tt/3pVii6v
