मुंबई: एकेकाळची बॉलिवूडची देसी गर्ल आणि आताची ग्लोबल स्टार प्रियांका चोप्राच्या '' या पुस्तकाचं प्रकाशन नुकतंच पार पडलं. प्रियांकानं या पुस्तकातून तिचा आतापर्यंतचा जीवनप्रवास उलगडला आहे. याशिवाय तिनं या पुस्तकात बॉलिवूडमधील अनेक कटू आठवणींचा उल्लेख केला आहे. प्रियांकानं या पुस्तकात एका दिग्दर्शकानं तिच्याकडे कशाप्रकारे एका गाण्यात अंतर्वस्त्र दाखवण्याची मागणी केली होती याचा अनुभवही सांगितला आहे. सूत्रांच्या माहितीनुसार प्रियांकानं तिच्या पुस्तकात एका गाण्याच्या शूटिंगच्या वेळचा अनुभव सांगितला आहे. एका सिडक्टिव्ह गाण्यात प्रियाकांला एक-एक करून कपडे काढायचे होते. हा सीन खूप मोठा होता. त्यामुळे प्रियांकानं दिग्दर्शकाला म्हटलं- 'मी कपड्यांचा आणखी एक लेअर परिधान करावा का? की ज्याने ते लवकर उतरवून होणार नाहीत.' प्रियांकानं पुढे लिहिलं, 'त्यावेळी दिग्दर्शकानं मला मला माझ्या डिझायनरशी बोलायला सांगितलं. मी त्यांना फोनवर सर्व परिस्थिती सांगितली आणि दिग्दर्शकाला दिला. माझ्या समोर उभं राहून तो दिग्दर्शक बोलला, 'काहीही होऊदे अंतर्वस्त्र दिसली पाहिजेत. नाहीतर मग प्रेक्षक चित्रपट पाहायला का येतील.' ही माझ्यासाठी खूपच धक्कादायक गोष्ट होती. मी यासाठी आजिबात तयार नव्हते.' प्रियांकानं अनफिनिश्डमध्ये या घटनेचा उल्लेख केला आहे. तिनं लिहिलं, 'या घटनेनंतर मी तो चित्रपट सोडून दिला. मी त्या गाण्यासाठी मानसिकरित्या तयार होते. पण त्या दिग्दर्शकानं माझ्याबद्दल ज्याप्रकारे बोललं होतं. त्यांचा तो बोलण्याचा टोन मला अजिबात आवडला नाही.' प्रियांकानं हा चित्रपट सोडल्यानंतर तो दिग्दर्शक रागारागात तिच्या दुसऱ्या चित्रपटाच्या सेटवर पोहोचला. त्यानंतर या प्रकरणात प्रियांकाचा को-स्टार सलमान खाननं यावर आक्षेप घेत प्रियांकाची मदत केली होती आणि हे प्रकरण मिटवलं.
from Marathi Bollywood News, Marathi Cinema News https://ift.tt/3rEvWLv
