मुंबई- टीव्ही अभिनेत्री हिने नुकताच मुलाला जन्म दिला. बाळाच्या जन्मानंतर तिने सोशल मीडियावर त्याच्यासोबतचे अनेक फोटोही शेअर केले आहेत. पण या सगळ्यात तिने मुलाचा चेहरा कधीही दाखवला नव्हता. पण आता शेअर केलेल्या व्हिडिओमध्ये तिने पती रोहित रेड्डीसोबत मुलगा आरवचा चेहरा चाहत्यांना दाखवला आहे. रविवारी रात्री उशिरा दोघांनी इन्स्टाग्रामवर एक गमतीदार व्हिडिओ शेअर केला असून, त्यात मुलगा आरवचा चेहरा स्पष्ट दिसत आहे. व्हिडिओमध्ये याने पत्नी अनिताच्या पोटात बॉम्ब लावत आहे असं दाखवलं आहे. काही वेळाने बॉम्ब फुटल्यावर हातात बाळ येतं. हा व्हिडिओ शेअर करताना अनिताने लिहिले की, '..आणि आमचं बाळ आलं. ०९-०२- २०२१' अनिता आणि रोहित ९ फेब्रुवारी रोजी पालक झाले. रोहितने सोशल मीडियाच्या माध्यमातून चाहत्यांना तो एका मुलाचा बाबा झाल्याचं सांगितलं. आई झाल्यानंतरचे अनेक व्हिडिओ आणि फोटो रोहित- अनीताने शेअर केले आहेत. अनिताने मुलासोबतचा पहिला फोटो शेअर केला यात ती आपल्या पतीसोबत इस्पितळात दिसत आहे. अनिताने मुलाला आपल्या हातात सांभाळलं असून या फोटोला कॅप्शन देताना अनिताने लिहिलं की, 'आणि आम्ही तीन झालो आहोत. तुमच्या आशीर्वाद आणि शुभेच्छांबद्दल आम्ही आभारी आहोत. #न्यूमॉमीडॅडी.' गेल्या वर्षी ऑक्टोबर महिन्यात अनिताने आपल्या गरोदरपणाची माहिती चाहत्यांना दिली होती. तिने प्रेग्नन्सीच्या काळातले अनेक अपडेट इन्स्टाग्रामवरून चाहत्यांना देत होती. २०१३ मध्ये अनिता आणि रोहितने लग्न केलं होतं.
from Marathi Bollywood News, Marathi Cinema News https://ift.tt/2P0uULX
