मुंबई- बॉलिवूड अभिनेता मुंबईत फुटबॉल खेळत असताना त्याच्या पायाला दुखापत झाली. यावेळी त्याच्यासोबत अभिनेत्री आणि त्याची कथित प्रेयसी दिशा पाटनीही मैदानावर उपस्थित होती. टायगरला लागल्याचं कळताच ती मैदानात धावत गेली आणि त्याच्यासाठी उभी राहिली. अभिनेता अर्जुन कपूर, अपारशक्ती खुराना, अहान शेट्टी, सिनेनिर्माते शूजित सरकार, शशांक खेतान यांच्यासहअनेक सेलिब्रिटींसोबत टायगर श्रॉफ फुटबॉलचा सामना खेळायला गेला होता. दिशाही तिथे टायगरसोबत गेली होती. सामना सुरू असताना टायगरच्या पायाला दुखापत झाली. यानंतर त्याच्यासाठी स्ट्रेचर आणलं गेलं. स्ट्रेचरवरच डॉक्टर त्याच्या पाय पाहत होते. या दरम्यानचे अनेक फोटो सोशल मीडियावर व्हायरलही झाले. टायगरला लागल्याचं दिसताच दिशा पळत त्याच्या बाजूला गेली. टायगरसाठीची काळजी दिशाच्या चेहऱ्यावर स्पष्ट दिसत होती. दिशा आणि टायगरचे हे फोटो प्रसिद्ध छायाचित्रकार मानव मंगलानी यांनी त्यांच्या इन्स्टाग्राम अकाउंटवर शेअर केले आहेत. टायगरच्या पायाला झालेली दुखापत गंभीर स्वरुपाची नव्हती पण तरीही त्याने सामना पुढे न खेळता आराम करण्याचा निर्णय घेतला. यानंतर दिशा आणि टायगर मैदानाच्या बाहेर बसलेले दिसले. दरम्यान, 'हिरोपंती' सिनेमातून टायगरने बॉलिवूडमध्ये पदार्पण केलं होतं. एवढ्या वर्षांच्या मेहनतीनंतर टायगर आज बी- टाउनचा अॅक्शन स्टार म्हणून ओळखला जातो. टायगरच्या शेवटच्या रिलीज झालेल्या 'वॉर' सिनेमाने बॉक्स ऑफिसवर अनेक विक्रम नोंदवले. टायगरला फक्त अभिनेता म्हणूनच नाही तर गायक म्हणूनही ओळखलं जात आहे. टायगरचं 'कॅसानोवा' हे गाणं नुकतंच प्रदर्शित झालं. यात त्याने काही अप्रतीम डान्स स्टेप्सही केल्या आहेत. यंदाच्या वर्षात टायगर श्रॉफचे एक- दोन नाही तर तीन सिनेमे प्रदर्शित होणार आहेत. 'बाघी ४', 'हिरोपंती २' आणि 'गणपत' यांचा समावेश आहे. 'हिरोपंती २' आणि 'गणपत' या दोन सिनेमांचे पोस्टर आणि टीझर काही दिवसांपूर्वी रिलीज करण्यात आले होते. त्याचे चाहते आता या सिनेमांच्या प्रदर्शनाची वाट पाहत आहेत.
from Marathi Bollywood News, Marathi Cinema News https://ift.tt/3dzTc9V
