मुंबई- बॉलिवूडचा खिलाडी अभिनेता अक्षय कुमारची पत्नी व अभिनेते राजेश खन्ना यांची मुलगी असलेली अभिनेत्री सध्या एका वेगळ्याच अडचणीतून मार्ग काढण्याचा प्रयत्न करत आहे. ती सोशल मीडियावर नेहमी सक्रीय असते. ती सतत तिचे व तिच्या कुटुंबाचे फोटो तिच्या चाहत्यांसोबत शेअर करत असते. त्यात ती कधी तिच्या मुलांसोबत खेळताना दिसते तर कधी व्यायाम करताना दिसते. आताही तिने असाच एक फोटो तिच्या चाहत्यांसोबत शेअर केला आहे. ट्विंकल तिच्या मिश्किल स्वभावासाठी ओळखली जाते. ती अनेकदा तिच्या मुलांसोबत मस्ती करताना दिसते. परंतु, यावेळेस तिचा मुलगा याने तिच्यासोबत एक गंमत केली आणि त्या गोष्टीला वैतागून तिने तो फोटो चाहत्यांसोबत शेअर केला. तिने शेअर केलेला फोटो हा तिने काढलेला नसून आरवने काढलेला आहे. आरव एवढ्यावर थांबला नाही तर, त्याने त्याच्या आईचा तो फोटो त्यांच्या कुटुंबाच्या व्हाट्सऍप ग्रुपवर शेअर केला व त्यावर मजेदार कॅप्शनदेखील दिलं. ज्यामुळे ट्विंकल अनेकांच्या हसण्याचं कारण बनली. आरवने ट्विंकलचा फोटो शेअर करत त्यावर लिहीलं, 'शेजाऱ्यांचं म्हणणं आहे की, ट्विंकल खन्नावर कुठल्यातरी भुताचा प्रभाव आहे. तिच्यात एक आत्मा आहे. बघा ती घराच्या बागेत काय करत आहे.' ट्विंकलने तिच्या मुलाने शेअर केलेला फोटो पुन्हा शेअर केला आणि लिहीलं, 'शत्रूंची गरज कोणाला आहे जेव्हा तुमचा मुलगाचं असा असेल. त्याने माझा फोटो आमच्या फॅमिली ग्रुपवर शेअर केला. तुमच्या माहितीसाठी सांगते, मी त्यावेळेस व्यायाम करत होते.' ट्विंकलच्या पोस्टनंतर चाहत्यांना त्यांचं हसू आवरत नव्हतं. दरम्यान, काही दिवसांपूर्वी ट्विंकलने चाहत्यांसोबत तिच्या बालपणीची एक आठवण शेअर केली होती. जेव्हा ती तिच्या प्रियकरासोबत शाळेत अडकली होती. तेव्हा तिला वर्गाच्या खिडकीतून उडी मारून स्वतःची सुटका करून घ्यावी लागली होती.
from Marathi Bollywood News, Marathi Cinema News https://ift.tt/2ZLPAJS