मुंबई: सोशल मीडियावर वादग्रस्त वक्तव्य करणारी बॉलिवूड अभिनेत्री आता एका वेगळ्याच गोष्टीमुळं चर्चेत आली आहे. कंगनानं तिच्या भावंडांना कोट्यवधींचे फ्लॅट्स भेट म्हणून म्हणून दिल्या असल्याच्या चर्चा सुरू आहेत.आश्चर्य म्हणजे काही महिन्यांपूर्वी कंगनानं तिच्या कार्यालयाच्या दुरुस्तीसाठी पैसे नसल्याचं कोर्टाला सांगितलं होतं. त्यामुळं याबद्दल चर्चा होताना दिसतेय. कंगनाचं तिच्या भावंडांवर जिवापाड प्रेम आहे. वेळोवेळी तिनं ते व्यक्त केलं आहे. केवळ रंगोलीच नव्हे तर भाऊ अक्षत याच्याबाबतीतही कंगना हळवी आहे. या प्रेमापोटी तिनं रंगोली, अक्षत आणि चुलत भावंडांना कोट्यवधींचे फ्लॅट्स खरेदी करुन दिले आहेत. चंदिगढमधील महागड्या आणि आलिशान परिसरात कंगनानं चार फ्लॅट्स खरेदी केल्याची माहिती आहे. भावंडांची इच्छा हिमाचल प्रदेशात राहत असलेल्या प्रत्येक व्यक्तीला आपलं चंदिगढमध्ये घर असावं असं वाटतं. त्यामुळं भावंडांची ही इच्छा कंगनानं पूर्ण केल्याचं तिच्या एका निकटवर्तीयांचं म्हणणं आहे. कंगनानं तिच्या भावंडांना नेहमीच सहकार्य केलं आहे. त्यांना नेहमीच पाठिंबा दिलाय, यावेळीही तिनं तिच्या भावंडांचाच विचार केला, असंही ते म्हणाले. काही दिवसांपूर्वी कार्यालयाच्या दुरुस्तीसाठी नव्हते पैसे मुंबई महापालिकेने कंगनाच्या कार्यालयावर कारवाई केल्यानंतर कार्यालय दुरुस्तीसाठी पैसे नसल्यातं कंगनानं म्हटलं होतं.'मी १५ जानेवारी रोजी कार्यालयाचं उद्धाटन केलं होतं. त्यानंतर करोनाचा कहर सुरू झाला. अनेकांप्रमाणं या काळात माझ्याकडंही काही काम नव्हतं. त्यामुळं आता कार्यालयची दुरुस्ती करण्यासाठी पैसे नाहीत. तोडफोड केलेल्या कार्यालयातच मी माझं काम सुरु ठेवणार आहे. हे कार्यालय म्हणजे स्वत:चं स्थान निर्माण करणाऱ्या स्त्रीयांच्या अस्मितेचं हे प्रतिक असेल, असं कंगनानं म्हटलं होतं .
from Marathi Bollywood News, Marathi Cinema News https://ift.tt/3aswoWe
