मुंबई: अभिनेत्री सध्या बॉयफ्रेंड विकी जैनसोबत शिमलामध्ये व्हेकेशन एन्जॉय करत आहे. सोशल मीडियावर तिनं या व्हेकेशनचे फोटो शेअर केले आहेत. एरवी सुद्धा अंकिता सोशल मीडियावर बरीच सक्रिय असते. अनेकदा ती तिचे डान्स व्हिडीओ इन्स्टाग्रामवर शेअर करताना दिसते. असाच एक व्हिडीओ तिनं नुकताच शेअर केला आहे. पण त्यावरुन सुशांतसिंह राजपूतच्या चाहत्यांनी तिला ट्रोल करायला सुरुवात केली आहे. अंकिता लोखंडेनं नुकताच इन्स्टाग्रामवर एक व्हिडीओ शेअर केला आहे. ज्यात ती धम्माल डान्स करताना दिसत आहे. तिचा हा व्हिडीओ तिच्या चाहत्यांच्या पसंतीस उतरला आहे. पण सुशांतचे चाहते मात्र तिच्या या व्हिडीओवर नाराज आहे. हा व्हिडीओ शेअर करताना अंकितानं कॅप्शनमध्ये लिहिलं, 'जे लोक डान्स करतात ते खूप स्वाभिमानी आणि आयुष्याकडे सकारात्मक दृष्टीकोनातून पाहणारे असतात.' अंकिताचा हा व्हिडीओ सध्या सोशल मीडियावर खूप व्हायरल होताना दिसत आहे. मात्र सुशांतसिंह राजपूतच्या चाहत्यांना मात्र अंकिताचा हा अंदाज आवडलेला नाही. त्यांनी तिच्या या डान्स व्हिडीओवर राग व्यक्त केला आहे. अनेकांनी तिच्या या व्हिडीओवर टीका करत अंकिताला 'वेडी' असं देखील म्हटलं आहे. अंकिताच्या चाहत्यांना तिचा हा डान्स आवडला असला आणि ते तिचं कौतुक करत असले तरीही सुशांतचे चाहते मात्र तिच्यावर टीका करताना दिसत आहेत. अंकिता आणि सुशांत जवळपास सहा वर्ष रिलेशनशिपमध्ये होते. मात्र नंतर ते वेगळे झाले. सुशांतच्या आत्महत्येनंतर या दोघांच्या नात्याची जोरदार चर्चा झाली होती. एवढंच नाही तर अंकितानं यावेळी सुशांतच्या कुटुंबीयांना आपला पूर्ण पाठींबा दिला होता. वेळोवेळी ती सुशांतच्या बहिणींसोबत खंबीरपणे उभी राहिलेली पाहायला मिळाली होती.
from Marathi Bollywood News, Marathi Cinema News https://ift.tt/3qI7Y1W
