मुंबई: बॉलिवूड अभिनेत्री दिया मिर्झाच्या लग्नाची चर्चा मागच्या काही दिवसांपासून जोरदार सुरू आहे. आज १५ फेब्रुवारीला बॉयफ्रेंड वैभव रेखीसोबत लग्नाच्या बेडीत अडकणार आहे. त्यांचा हा लग्न सोहळा अत्यंत खासगी स्वरुपात पार पडणार असून या कार्यक्रमात वैभव-दियाचे कुटुंबीय आणि जवळचा मित्रपरिवार उपस्थित राहणार आहे. दिया मिर्झा आणि वैभवनं लग्नाच्या अगोदर कुटुंबीय आणि जवळच्या मित्रांसाठी एका प्री-वेडिंग पार्टीचं आयोजन केलं होतं. ज्याचे फोटो आणि व्हिडीओ सध्या सोशल मीडियावर व्हायरल झाले आहेत. ज्यात दिया मिर्झा आणि जवळच्या मित्रमंडळीसोबत दिसत आहे. दिया मिर्झा आणि वैभव रेखी यांच्या अफेअरच्या चर्चा मागच्या वर्षी अनेकदा झाल्या होत्या. सूत्रांच्या माहितीनुसार दिया आणि वैभव यांच्यात लॉकडाऊनच्या दरम्यान जवळीक वाढली. वैभव एक बिझनेसमन आणि इनव्हेस्टर आहे. तर प्रसिद्ध योगा इन्स्ट्रक्टर सुनैना रेखी ही त्याची एक्स वाइफ आहे. दिया बद्दल बोलायचं तर तिनं २०१९ मध्ये साहिल संघापासून घटस्फोट घेतला होता. लग्नाच्या ११ वर्षांनंतर या दोघांनीही परस्पर सामंजस्यानं त्यांचं नातं संपवण्याचा निर्णय घेतला होता. त्यांचा घटस्फोट खरं तर सर्वांसाठी एक धक्का होता. पण या दोघांनी सोशल मीडियावर एक पोस्ट लिहित याची माहिती दिली होती. त्यात त्यांनी आम्ही वेगळे झालो तरी एकमेकांचे चांगले मित्र नेहमीच राहू असं म्हटलं होतं.
from Marathi Bollywood News, Marathi Cinema News https://ift.tt/2Zj4jeQ
