मुंबई- 'इंडियन प्रो म्युझिक लीग' च्या ग्रॅण्ड प्रीमिअर भागाचं चित्रीकरण काही दिवसांपूर्वीच करण्यात आलं. ज्यात बॉलिवूड इण्डस्ट्रीमधील अनेक मोठे कलाकार सहभागी झाले होते. ज्यात सलमान खान, साजिद खान, मिका सिंग, जावेद अली, नेहा भसीन, शान, कैलाश खेर यांनी सहभाग घेतला होता. चित्रीकरणावेळी प्रत्येकानेच एकमेकांबद्दल चाहत्यांनी कधीही न ऐकलेले किस्से सांगितले. एकमेकांची पोलखोल केली. जेव्हा मिका सिंगने सांगितलं की, सगळ्यात जास्त मस्तीखोर आणि मजेशीर गोष्टी करतो, तेव्हा साजिद खानने सुद्धा सलमानशी संबंधित एक किस्सा सांगितला. जो ऐकून सगळेच पोट धरून हसू लागले. सलमानचा '' हा चित्रपट अत्यंत गाजलेल्या चित्रपटांपैकी एक आहे. या चित्रपटातून अभिनेत्री सोनाक्षी सिन्हा हिने बॉलिवूडमध्ये पदार्पण केलं. या चित्रपटातील गाणीही तितकीच गाजली. त्यासोबत प्रेक्षकांच्या लक्षात राहिलं ते म्हणजे सलमानची एका गाण्यातली डान्स स्टेप. साजिदने सांगितले की, सलमानने ही स्टेप एक लग्नात नाचणाऱ्या काकांकडून चोरल्या होत्या. दिल्ली जैमर्सचा कॅप्टन असलेल्या साजिदने सांगितलं की, 'सलमान ,मी आणि काही मित्र एका नातेवाईकाच्या लग्नात गेलो होतो. जिथे आम्ही पहिल्यांदाच वरातीत पोहोचलो. आम्ही रस्त्यावर उभे राहून नाचत होतो. त्यावेळी तिथे बरीच गर्दी झाली आणि त्या गर्दीला पांगवण्यासाठी माथूर काकांनी एक डान्स स्टेप करायला सुरुवात केली. त्यात ते त्यांच्या हाताची मनगटं फिरवत होते. त्यानंतर आम्ही अजून एक काकांना पाहिलं जे त्यांच्या पट्ट्यासोबत नाचत होते. सलमानने लगेच त्यांना म्हटलं, 'काका तुमची स्टेप तर गेली.' त्यानंतर सलमानने त्या दोन्ही स्टेप्स 'दबंग' च्या गाण्यात वापरल्या. तिकडे ते काका अजूनही सगळ्यांना सांगतात सलमानने माझी स्टेप चोरली.'
from Marathi Bollywood News, Marathi Cinema News https://ift.tt/3pfGOhu
