मुंबई- 'ओम शांती ओम' चित्रपटातून बॉलिवूडमध्ये पदार्पण केलेली अभिनेत्री आता सगळ्यांची अत्यंत आवडती अभिनेत्री बनली आहे. तिच्या उत्कृष्ट अभिनयाची चर्चा तर गल्लीपासून दिल्लीपर्यंत असते. तिच्या बोलक्या डोळ्यांनी तिने प्रेक्षकांच्या मनावर राज्य केलंय. 'बाजीराव मस्तानी', 'पद्मावत' यांसारख्या चित्रपटात उत्कृष्ट काम करून तिने चाहत्यांची मने जिंकली आहेत. ती कायमचं तिच्या चाहत्यांमध्ये चर्चेत असते. ग्लॅमरस फोटो ती चाहत्यांसोबत शेअर करत असते. त्यावर चाहतेही लाइक आणि कमेन्ट करत असतात. पण यावेळेस, ती एका वेगळ्या कारणामुळे चर्चेत आहे. दीपिका तिच्या अभिनयाने सगळ्यांची मने तर जिंकतेचं शिवाय तिचा फॅशनसेन्सदेखील चाहत्यांना नेहमीचं पसंत पडतो. तिची स्टाइल नेहमी इतरांपेक्षा हटके असते. यावेळेस दीपिकाचे अनेक फोटो सोशल मीडियावर ट्रेण्ड करत आहेत. त्या फोटोंच्या ट्रेण्ड होण्यामागेही एक खास कारण आहे. या फोटोमध्ये दीपिकाने काळ्या रंगाचे कपडे घातले आहेत. खूप कमी लोकांना माहीत असेल की, कपड्यांबाबतीत दीपिकाचा आवडता रंग काळा आहे. ती प्रत्येक खास क्षणी काळ्या रंगांच्या कपड्यांमध्ये दिसते. आताही तिने काळ्या रंगाला प्राधान्य दिलं आहे. यासोबतच तिने करोनापासून सुरक्षेसाठी काळ्या रंगाचा मास्कदेखील घातला आहे. सर्वसाधारण दिसणारा हा मास्कचं दीपिकाला ट्रेण्डमध्ये आणण्यासाठी मदत करत आहे. कारण, जो मास्क दीपिकाने घातला आहे, तो मास्क थोडाथोडका नाही तब्बल २५ हजार रुपयांचा आहे. त्या मास्कसाठी दीपिकाने २५ हजार रुपये खर्च केले आहेत. त्यासोबतच, दीपिकाच्या हातातली हॅन्डबॅगदेखील मागील काही दिवसांत चर्चेत होती. त्याचं कारण म्हणजे त्याची किंमत २ लाख असल्याचं बोललं जातं होतं. दीपिकाचे लूक स्टायलिश असण्यासोबतचं महागही आहेत. दरम्यान, दीपिकाच्या कामाबद्दल सांगायचं तर, ती दिग्दर्शक सिद्धार्थ आनंद यांच्या 'पठाण' चित्रपटात अभिनेता शाहरुख खान आणि अभिनेता जॉन अब्राहम सोबत दिसणार आहे. त्यासोबतच, शकुन बत्रा यांच्या एका चित्रपटात अनन्या पांडे व सिद्धार्थ चतुर्वेदी सोबत दिसणार आहे. शिवाय, ती कबीर खान दिग्दर्शित '८३' मध्ये पती रणवीर सिंह सोबतही झळकणार आहे.
from Marathi Bollywood News, Marathi Cinema News https://ift.tt/3aWHJOE
