मुंबई: अभिनेता आणि निर्माता राजीव कपूर यांचं मंगळवारी ९ फेब्रुवारी रोजी मुंबई येथे निधन झालं. त्यांच्या निधनानंतर कपूर कुटुंबीयांवर दुःखाचा डोंगर कोसळला आहे. राजीव यांचं वयाच्या ५८ व्या वर्षी निधन झालं. त्यांच्या अंत्यदर्शनाला अनेक बॉलिवूड कलाकार उपस्थित होते. राज कपूर यांचा मुलगा राजीव कपूर यांनी आपल्या बॉलिवूड कारकिर्दीत बरेच चढ-उतार पाहिले. कुटुंबातल्या इतर सदस्यांसारखे त्यांचे चित्रपट बॉक्स ऑफिसवर आपली कमाल दाखवू शकले नाहीत. मात्र वडील राज कपूर यांनी तयार केलेल्या आर .के स्टुडिओशी त्यांचं नेहमीच एक खास नातं होतं. त्यामुळेच कधी काळी आर.के स्टुडिओच्या मॅनेजर पदावर असलेले ९४ वर्षीय हे देखील राजीव कपूर यांचं अंतिम दर्शन घेण्यासाठी आणि त्यांना श्रद्धांजली देण्यासाठी त्यांच्या निवासस्थानी पोहोचले होते. सोशल मीडियावर व्हायरल झाला विश्व मेहरा यांचा फोटो हातात काठी, वयोमानानुसार झुकलेली कंबर आणि डोळ्यात अश्रू असे विश्व मेहरा जेव्हा राजीव कपूर यांच्या अंत्यदर्शनासाठी पोहोचले त्यावेळी अशी नाती केवळ नशीबानेच मिळतात याचा प्रत्यय सर्वांनाच आला. विश्व मेहरा यांचा हा फोटो सध्या सोशल मीडियावर चर्चेचा विषय ठरला आहे. सेलिब्रेटी फोटोग्राफर विरल भयानी यांनी विश्व मेहरा यांचा हा फोटो इन्स्टाग्रामवर शेअर केला आहे. यावरून राजीव कपूर यांचे चित्रपट फारसे चालले नसले तरी त्यांचे त्यांच्या स्टाफ सोबत किती चांगले संबंध होते हे लक्षात येतं. विश्व मेहरा कपूर कुटुंबाच्या तीन पीढ्यांचे साक्षीदार आहेत. त्यांनी आपल्या डोळ्यांसमोर या कुटुंबातील चढ-उतार जवळून पाहिले आहेत. राजीव कपूर यांच्या निधनानंतर विश्व मेहरा सुद्धा दुःखात आहेत. खूप कमी लोकांना माहीत आहे की, विश्व मेहरा यांनी 'आवारा', 'जब जब फूल खिले' आणि 'प्रेम ग्रंथ' या चित्रपटांमध्ये काम केलं आहे. २०१७ मध्ये आर के स्टुडिओला लागलेल्या भीषण आगीत कोट्यवधींचं नुकसान झालं होतं. मोठ्याप्रमाणावर कपडे, मशिन्स आणि इतर गोष्टी जळून खाक झाल्या होत्या. त्यानंतर २०१९ मध्ये गोदरेज समूहानं २.२ एकरांत पसरलेला हा स्टुडिओ खरेदी केला. चेंबूरमध्ये असेला हा स्टुडिओ ७ दशकांपर्यंत कपूर कुटुंबाची ओळख बनून राहिला गोता. पण आता गोदरेज समूहानं त्याला मिक्स यूज प्रोजक्टसाठी वापरण्याचा निर्णय घेतला आहे.
from Marathi Bollywood News, Marathi Cinema News https://ift.tt/3jASolR
