मुंबई: केंद्र सरकारनं लागू केलेल्या नव्या कृषी कायद्याच्या विरोधा मागच्या काही काळापासून देशात शेतकरी आंदोलन सुरू आहे. मात्र आंतरराष्ट्रीय पॉप स्टारनं याबाबत ट्वीट केल्यानंतर संपूर्ण जगाचं लक्ष या आंदोलनाकडे वेधलं गेलं आणि जगभरातून शेतकऱ्यांना समर्थन देणारी ट्वीट केली जाऊ लागली. पण यानंतर बॉलिवूड सेलिब्रेटींनी मात्र रिहानाला विरोध करत भारताच्या अंतर्गत बाबींमध्ये बाहेरच्या लोकांनी लक्ष घालू नये तसेच भारतीयांनीही अशा प्रकारच्या खोट्या प्रचाराला बळी पडू नये. अशा आशयाची ट्वीट केली होती. पण यावर अभिनेत्री तापसी पन्नूनं ‘दुसऱ्यांना शिकवण्यापेक्षा स्वतःचा विश्वास बळकट करा’ अशा शब्दात बॉलिवूड स्टारनं सुनावलं. ज्यानंतर आता पुन्हा एकदा सोशल मीडियावर कंगना विरुद्ध तापसी असं ‘ट्विटर वॉर’ रंगलं आहे. बॉलिवूड स्टारनी एकजूटीचं आवाहन केल्यानंतर तापसी पन्नूनं याबाबत सर्वांना सुनावत ट्वीट केलं- ‘जर एका ट्वीटमुळे देशाच्या एकतेवर प्रश्नचिन्ह उपस्थित होतं, एखाद्या मस्करीमुळे तुमच्या विश्वासाला तडा जातो, एका शोमुळे तुमच्या धार्मिक भावनांवर परिणाम होतो. तर मग तुम्हाला इतरांचे प्रपोगेंडा टिचर होण्यापेक्षा तुमचा स्वःवर असलेला विश्वास आणखी अधिक मजबूत करण्याची गरज आहे.’ तापसीनं हे ट्वीट कोणाला उद्देशून केलं नसलं तरी तिनं हे नाव न घेता कंगनाला सुनावलं होतं असं म्हटलं जात आहे. तापसीच्या या ट्वीटवर आता कंगनानं आपली प्रतिक्रिया दिली आहे. तापसीच्या या ट्वीटवर कंगना भडकली असून तिनं आता तापसीला बी ग्रेड म्हणत पलटवार केला आहे. तिनं लिहिलं- ‘बी ग्रेड लोकांचे बी ग्रेड विचार. आपली मातृभूमी आणि कुटुंबासाठी आपण खंबीरपणे उभं राहायला हवं. हेच कर्म आणि धर्म सुद्धा आहे. फुकट खाणारे होऊ नका. म्हणून या लोकांना मी बी ग्रेड म्हणते. या लोकांकडे लक्ष देऊ नका.’ पॉप स्टार रिहानाच्या ट्वीटनंतर अक्षय कुमार, अजय देवगण, सुनील शेट्टी, क्रिकेटर सचिन तेंडुलकर, विराट कोहली यांसारख्या सेलिब्रेटींनी सरकारच्या भूमिकेचं समर्थन करणारं ट्वीट केलं होतं. तसेच बाहेरच्या लोकांनी देशांतर्गत विषयात लक्ष घालू नये असं म्हटलं होतं.
from Marathi Bollywood News, Marathi Cinema News https://ift.tt/39K0Ewz
