मुंबई- नेहमी कोणत्याना कोणत्या कारणांमुळे चर्चेत राहणारी पुन्हा एकदा प्रेक्षकांच्या भेटीसाठी सज्ज झाली आहे. तापसीने आपल्या दर्जेदार अभिनयाच्या जोरावर बॉलीवूड मध्ये स्वतःचं वेगळं स्थान निर्माण केलं आहे. ती तिच्या बिनधास्त स्वभावामुळेसुद्धा चाहत्यांमध्ये प्रसिद्ध आहे. असाच एक कॉमेडी-थ्रिलर चित्रपट घेऊन ती लवकरच प्रेक्षकांच्या भेटीला येणार आहे तापसीच्या आगामी '' या चित्रपटातील तिचा लुक प्रेक्षकांसमोर आला आहे. या लुकला प्रेक्षकांची पसंतीदेखील मिळत आहे. तिने स्वतः तिच्या ट्विटर हॅण्डलवर या चित्रपटाचे पोस्टर ट्विट केले आहे. या फोटोत तापसी एका वेगळ्याच अंदाजात दिसत आहे. तापसीने हे पोस्टर शेअर करत लिहिले की, 'कधी कधी आपल्याला विचार करावा लागतो की इथे मी कसा काय पोहोचलो. मी पण तोच विचार करत होते. नाही या पॉटबद्दल नाही तर आयुष्यातल्या सगळ्या अडचणींबद्दल बोलत आहे. हाय, माझं नाव सावी आणि माझ्या अडचणींनी भरलेल्या आयुष्यात तुमचं स्वागत आहे.' सध्या हा पोस्टर सोशल मीडियावर धुमाकूळ घालत आहे. प्रेक्षकांची त्याला पसंती मिळत आहे. तापसी आता यशाच्या शिखरावर असून एकामागोमाग एक तिचे चित्रपट प्रेक्षकांच्या भेटीला येत आहेत.त्यात 'लूप लपेटा' चा सुद्धा समावेश आहे. हा चित्रपट १९९८ ला जर्मनीमध्ये प्रदर्शित झालेल्या 'रन लोला रन' या चित्रपटाचा हिंदी रिमेक आहे. यात तापसीसोबत राज भसीनदेखील मुख्य भूमिकेत दिसणार आहे. या चित्रपटाची शूटिंग सध्या गोव्याला सुरू आहे.
from Marathi Bollywood News, Marathi Cinema News https://ift.tt/3pBlunv
