मुंबई- पुन्हा तिच्या ट्रिपल एक्स () सीझन २ मुळे अडचणीत सापडली आहे. बिहारच्या बेगूसराय कोर्टाने वेब सीरिजची निर्माती एकता कपूर आणि तिची आई शोभा कपूर यांना ८ फेब्रुवारी रोजी कोर्टात हजर राहण्यास समन्स बजावला आहे. ओटीटी प्लॅटफॉर्म अल्ट बालाजीवर प्रसारित होणार्‍या या वेब सीरिजमध्ये भारतीय सैन्य दलातील सैनिक आणि त्यांच्या पत्नीवर आक्षेपार्ह भाष्य केल्याचा आरोप त्यांच्यावर आहे. बिहारच्या बेगूसरायचे प्रथम श्रेणी न्यायदंडाधिकारी राजीव कुमार यांनी या खटल्याची सुनावणी केली. त्यांनी एकता कपूर आणि शोभा कपूर यांना ८ फेब्रुवारी रोजी कोर्टात हजर राहण्याचे आदेश दिले आहेत. बरौनी पोलीस ठाण्यातील सिमरिया आदर्श गावात राहणारे शंभू कुमार यांनी ही फिर्याद दिली आहे. स्वतः शंभू कुमार सैन्यात होते. ते म्हणाले की एकता आणि तिची आई शोभा यांची निर्मिती असलेल्या ‘ट्रिपल एक्स सीझन २’ या वेब सीरिजमध्ये भारतीय सैनिक आणि त्यांची पत्नी यांच्या चारित्र्यावर आक्षेपार्ह भाष्य केलं तसेच त्यांचं चरित्र चुकीच्या पद्धतीने मांडले आहे. काय आहे संपूर्ण प्रकरण एकता कपूरची सीरिज गेल्या वर्षी रिलीज होताच वादात सापडली होती. या सीरिजसंदर्भात देशभरात अनेक ठिकाणी विरोध प्रदर्शन करण्यात आले होते. या प्रकरणात एकता आणि शोभा कपूर यांच्याविरोधात तक्रार आणि एफआयआर दाखल करण्यात आली होती. एकता कपूरने मागितली होती माफी या वेब सीरिजमध्ये आक्षेपार्ह दृश्यांसाठी एकता कपूरने भारतीय सैन्यदलाची माफीही मागितली होती. या सीरिजमध्ये, भारतीय सैनिकाची पत्नी त्याच्या अनुपस्थितीत दुसर्‍या पुरुषाशी संबंध ठेवत असल्याचं दाखवलं गेलं आहे. एकता कपूर म्हणाली की तिला यासंबंधी माहिती मिळताच तिने तो सीन काढून टाकला आणि माफी मागितली.
from Marathi Bollywood News, Marathi Cinema News https://ift.tt/36AfV19
