मुंबई- बॉलिवूड अभिनेता आणि लोकप्रिय अभिनेत्री यांच्या 'टायगर ३' या चित्रपटाबाबत अनेक चर्चा सुरु असून चित्रीकरण मार्च महिन्यात सुरु होणार आहे. चित्रपटाचे निर्माते या चित्रपटातील खलनायकाच्या भूमिकेसाठी एका नव्या चेहऱ्याच्या शोधात होते. जी भूमिका 'टायगर जिंदा है' या चित्रपटात सज्जाद डेलैफ्रोज ने साकारली होती त्या भूमिकेच्या तोडीस तोड देणारा अभिनेता याही चित्रपटात निर्मात्यांना अपेक्षित होता. आता त्यांचा शोध संपला असून या भूमिकेसाठी इम्रान हाश्मीची निवड करण्यात अली आहे. सूत्रांनी दिलेल्या माहितीनुसार, चित्रपटाच्या निर्मात्यांना या भूमिकेसाठी इम्रान अत्यंत योग्य अभिनेता असल्याचा विश्वास आहे. तो उत्तम अभिनेता आहे आणि या भूमिकेसाठी त्याच्या सारखाचं एखादा अभिनेता अपेक्षित होता. या चित्रपटाच्या चित्रीकरणाची सुरुवात मार्च २०२१ च्या तिसऱ्या आठवड्यापासून होणार आहे. या चित्रपटाच्या चित्रीकरणाची सुरुवात अभिनेता शाहरुख खान याच्या 'पठाण' चित्रपटाच्या चित्रीकरणानंतर होणार आहे. 'पठाण' चित्रपटाचं चित्रीकरण अंतिम टप्प्यात आहे. सलमानचं या चित्रीपटाचं चित्रीकरण संपल्यावर तो टायगरच्या चित्रीकरणाला सुरुवात करणार आहे. मार्चमध्ये इम्रानही चित्रपटाच्या चित्रीकरणाला सुरुवात करेल. 'टायगर जिंदा है' या चित्रपटात अभिनेता सज्जाद डेलैफ्रोजने खलनायकाची भूमिका उत्तमरीत्या साकारली होती. त्याच्या अभिनयाने प्रेक्षकांचं लक्ष वेधून घेतलं होतं. यानंतर इम्रानचा अभिनय प्रेक्षकांना कितपत पसंत पडतो ही गोष्ट पाहण्यासारखी आहे. सलमान आणि कतरिना यांनी याआधी 'युवराज', 'पार्टनर', 'मैंने प्यार क्यों किया', 'एक था टायगर', 'टायगर जिंद है' यासारख्या चित्रपटात मुख्य भूमिका साकारल्या आहेत.
from Marathi Bollywood News, Marathi Cinema News https://ift.tt/2Nrh9VT
