मुंबई: मराठी चित्रपट सृष्टीतली बहुचर्चित जोडी आणि आज लग्नाच्या बेडीत अडकले. मागच्या काही दिवसांपासून या दोघांच्या केळवणाचे फोटो आणि व्हिडिओ सोशल मीडियावर खूप व्हायरल झाले होते. आस्ताद-स्वप्नालीनं आज १४ फेब्रुवारीला व्हॅलेन्टाइन डेच्या मुहूर्तावर रजिस्टर पद्धतीनं लग्न केलं. त्यांच्या लग्नाचे फोटो आणि व्हिडीओ सध्या सोशल मीडियावर व्हायरल होत आहेत. आस्ताद आणि स्वप्नील मागच्या काही वर्षांपासून एकमेकांना डेट करत होते. सर्वात आधी आस्तादनं बिग बॉस मराठीच्या पहिल्या पर्वात स्वप्नालीसोबतच्या नात्याची कबुली दिली होती. त्यानंतर ही जोडी सोशल मीडियावर खूप चर्चेत आली होती. मागच्या काही दिवसांपासून या दोघांच्या केळवणाचे फोटोसुद्धा व्हायरल झाले होते. त्यानंतर आता त्यांच्या लग्नातील स्वप्नालीनं घेतलेल्या उखाण्याचा व्हिडीओ सोशल मीडियावर व्हायरल होत आहे. स्वप्नालीनं त्यांच्या रजिस्टर मॅरेजच्या वेळी धम्माल उखाणा घेतला होता ज्याचा व्हिडीओ सध्या सोशल मीडियावर व्हायरल होत आहे. सेलिब्रेटी प्रमोटर्स या इन्स्टाग्राम पेजवरून स्वप्नालीचा हा व्हिडीओ शेअर करण्यात आला आहे. 'बागेत बाग राणीची बाग, आस्तादचा राग म्हणजे धगधगणारी आग' असा हटके उखाणा घेत स्वप्नालीनं उपस्थितींची मनं जिंकली. त्यांच्या या व्हिडीओवर कमेंटचा अक्षरशः पाऊस पडत आहे. सर्वजण आस्ताद आणि स्वप्नालीवर शुभेच्छांचा वर्षाव करत आहेत. या लग्नाला स्वप्नालीची खास मैत्रीण आणि बिग बॉस मराठी पहिल्या पर्वाची विजेती मेघा धाडे हिनेही हजेरी लावली होती. आस्ताद स्वप्नालीची पहिली भेट 'पुढचं पाऊल' या मालिकेच्या सेटवर झाली होती. या मालिकेत दोघांच्या भूमिकांनी प्रेक्षकांची मनं जिंकली होती. मालिकेच्या सेटवरून सुरू झालेली मैत्री नंतर प्रेमात बदलली आणि आज व्हॅलेन्टाइन डेच्या मुहूर्तावर स्वप्नाली अखेर आस्तादची झाली.
from Marathi Bollywood News, Marathi Cinema News https://ift.tt/3phRgor
