व्हायरल होतोय घटस्फोटाच्या सोहळ्याचा फोटो, जाणून घ्या प्रकरण

मुंबई- सध्या सोशल मिडियावर घटस्फोट सोहळ्याची चर्चा जोरात रंगली आहे. घटस्फोट सोहळ्याच्या व्हायरल झालेल्या फोटोने तर साऱ्या महाराष्ट्राला अचंबित करून सोडलं आहे. एवढंच बाकी राहील होतं.. आता हे ही पाहायला मिळालं... पुणे तिथे काय उणे... पाटलाचा नादच खुळा... लोक कशाचे सोहळे करतील सांगता येत नाही अशा एक ना अनेक कमेंट या फोटोवर येत आहेत. घटस्फोट सोहळ्याची चाललेली जय्यत तयारी पाहता नक्की हा प्रकार काय आहे या विचाराने सारेच चिंतेत पडले. का लावलं घटस्फोट सोहळ्याचं पोस्टर चार दिवसांपासून सोशल मीडियावर चर्चेचा विषय ठरलेला हा सोहळा काही नसून '' या लवकरच प्रदर्शित होणाऱ्या चित्रपटा अंतर्गत असणाऱ्या चित्रीकरणाचा एक भाग आहे. नक्की घटस्फोट सोहळ्याची थीम काय आहे, हा आगळावेगळा सोहळा कशाचे भाकीत उलगडणार आहे याकडे साऱ्या रसिक प्रेक्षकांच्या नजरा लागून राहिल्या आहेत. चित्रीकरणास सुरुवात होऊन अवघे चारच दिवस झाले असून या घटस्फोट सोहळ्याने तर सोशल मीडियावर वेगळाच धुमाकूळ घातला आहे. त्यामुळे प्रेक्षकांमधील चित्रपटाबाबतची उत्सुकता शिगेला पोहोचली आहे. 'मंगलाष्टक रिटर्न' चित्रपटात अभिनेता प्रसाद ओक, आनंद इंगळे, सक्षम कुलकर्णी, वृषभ शहा, अभिनेत्री श्वेता खरात, प्रसन्ना केतकर, शीतल अहिरराव अभिनेता सुनील गोडबोले, कमलेश सावंत, समीर पौलस्ते अभिनेत्री प्राजक्ता नेवळे, सोनल पवार, भक्ती चव्हाण, शीतल ओस्वाल यांच्या ही दमदार भूमिका पाहायला मिळणार आहेत. लॉकडाउननंतर चित्रपटसृष्टीला मिळालेल्या ग्रीन सिग्नलनंतर 'मंगलाष्टक रिटर्न' चित्रपटाचा शुभारंभ करण्यात आला होता. दिग्दर्शक योगेश भोसले दिग्दर्शित हा चित्रपट नवा कोरा आणि कोड्यात टाकणारा दमदार विषय घेऊन हा चित्रपट लवकरच प्रदर्शनाच्या वाटेवर आहे. सध्या हिंजवडी पुणे येथे या चित्रपटाचे चित्रीकरण सुरू आहे. दिग्दर्शक योगेश भोसले दिग्दर्शित या चित्रपटाच्या निर्मितीची धुरा निर्माते वीर कुमार शहा यांनी सांभाळली आहे. त्यांच्या 'शारदा प्रॉडक्शन' या प्रॉडक्शन हाऊसतर्फे या चित्रपटाची निर्मिती करण्यात आली आहे. 'बाजार' या चित्रपटातून अभिनेता, दिग्दर्शक योगेश भोसले प्रेक्षकांच्या समोर आला. 'बाजार' या त्यांनी केलेल्या दिग्दर्शित चित्रपटाला १६ पुरस्कारांनी सन्मानित करण्यात आलं होतं. आता त्यांचा 'मंगलाष्टक रिटर्न' हा वेगळ्या धाटणीचा चित्रपट प्रेक्षकांच्या भेटीस येण्यास सज्ज होत आहे.

from Marathi Bollywood News, Marathi Cinema News https://ift.tt/2NSfaK8