मुंबई- दिवंगत कन्नड अभिनेता याचा अखेरच्या सिनेमा लवकरच प्रदर्शित होणार आहे. त्याच्या या शेवटच्या सिनेमाचा ट्रेलर चिरंजीवीच्या पत्नीने सर्जाने आपल्या पाच महिन्याच्या मुलासोबत प्रदर्शित केला. स्वतः मेघनाने एक व्हिडिओ शेअर करून याची माहिती चाहत्यांना दिली. या व्हिडिओमध्ये ज्युनिअर चिरू आपल्या आईच्या मांडीत बसून वडिलांच्या शेवटच्या सिनेमाचा ट्रेलर लॉन्च करताना दिसत आहे. हा व्हिडिओ पाहिल्यानंतर त्याच्या चाहत्यांचे डोळे पाणावले. चिरंजीवी या सिनेमावर काम करत होते. सिनेमाचं काम सुरू असताना देशात करोनामुळे लॉकडाउन घोषित करण्यात आलं. ज्यामुळे सिनेमाचं चित्रीकरण थांबवण्यात आलं होतं. चिरंजीवीने बहुतांश चित्रीकरण पूर्ण केलं होतं. असं असलं तरी काही सीनचं चित्रीकरण राहिलं होतं. त्याच्या निधनानंतर चिरंजीवीच्या भावाने ध्रुव सर्जाने उर्वरित भागाचं चित्रीकरण पूर्ण केलं. आता हा सिनेमा प्रदर्शनासाठी सज्ज आहे. दरम्यान, काही दिवसांपूर्वी मेघना राज सर्जाने व्हॅलेन्टाइन डेच्या सुरूवातीला ठीक रात्री १२ वाजता एक क्यूट व्हिडिओ सोशल मीडियावर शेअर केला. ज्यामध्ये लहान चिरू खूप मस्ती करताना दिसत आहे. यासोबतच व्हिडिओच्या शेवटी आईच्या कुशीत आहे आणि बाजूला असलेल्या वडिलांच्या फोटोकडे पाहत आहे. हा क्षण चाहत्यांना फार भावुक करून गेला. मेघनाचा हा मुलासोबतचा व्हिडिओ आतापर्यंत त्यांच्या चाहत्यांनी हजारोवेळा पाहिला आहे. तसंच या व्हिडिओवर लाखो लाइक आणि कमेन्टही आले आहेत. चिरंजीवी सर्जा यांच्या आकस्मिक मृत्यूने हादरलं होती कन्नड सिनेसृष्टी गेल्या वर्षी करोना काळात चिरंजीवी सर्जाच्या आकस्मिक निधनाने संपूर्ण कन्नड सिनेसृष्टी हादरून गेली होती. चिरंजीवी सर्जाचं २ जून २०२० रोजी हृदयविकाराच्या झटक्याने निधन झालं होतं. या घटनेवर कोणाचाही पटकन विश्वास बसत नव्हता. वयाच्या अवघ्या ३७ व्या वर्षी चिरंजीवीने अखेरचा श्वास घेतला. त्याच्या मृत्यूवेळी पत्नी मेघना राज सर्जा तीन महिन्यांची गरोदर होती. चिरंजीवी सर्जा यांच्या निधनाने देशभर दुःखाचं वातावरण पसरलं होतं. हृदयविकाराच्या झटक्याने त्याचा मृत्यू झाला होता. देशात करोनामुळे लॉकडाउन होते. त्यामुळे कुटुंबियांना चिरंजीवी यांना योग्यवेळी इस्पितळात दाखल करणं अवघड गेलं होतं.
from Marathi Bollywood News, Marathi Cinema News https://ift.tt/2ZyMdpp
