मुंबई- लोकप्रिय मराठी अभिनेते रविंद्र महाजनी यांचा मुलगा असलेला अभिनेता आता मराठीसोबतच हिंदी मालिका आणि चित्रपटात नाव कमावत आहे. त्याच्या उत्कृष्ट अभिनयाने त्याच्या चाहत्यांच्या संख्येत दिवसेंदिवस वाढचं होताना दिसतेय. तो सोशल मीडियावरदेखील सक्रिय असतो. त्याने शेअर केलेल्या फोटोंना चाहत्यांचा उत्तम प्रतिसाद मिळतो. सध्या गश्मीर स्टार प्लस वाहिनीवरील 'इमली' या मालिकेत काम करत आहे. मालिकेत तो एका पत्रकाराची भूमिका करत असून त्याचे पात्र प्रेक्षकांच्या पसंतीस उतरत आहे. मालिकांमधून चाहत्यांची मनं जिंकणारा गश्मीर लवकरचं अभिनेत्री मृण्मयी गोडबोले सोबत एका चित्रपटात मुख्य भूमिकेत दिसणार आहे. गश्मीर नेहमीच त्याचे फोटो व व्हिडीओ सोशल मीडियावर शेअर करत असतो. त्याच्या फोटोंना चाहत्यांची विशेष पसंती मिळते. तो त्याचे व्यायामाचे व्हिडीओ शेअर करत असतो. शिवाय त्याचं रोजचं रूटिनही तो इन्स्टाग्रामवर पोस्ट करतो. गश्मीरने अशाचं एका गोष्टीचा खुलासा केला आहे, जी ऐकून त्याच्या चाहत्यांनी तोंडात बोटं घातली आहेत. गश्मीरने सांगितल्याप्रमाणे, तो २४ तासांतून फक्त तीन तास झोपतो. एवढा कमी वेळ झोपूनही तो स्वतःला फिट कसा ठेवतो, असा प्रश्न त्याच्या चाहत्यांना पडला आहे. गश्मीर 'इमली' या कार्यक्रमातील त्याची भूमिका सुधारण्यासाठी मेहनत घेत आहे. याशिवाय तो 'सरसेनापती हंबीरराव' या आगामी चित्रपटात छत्रपती शिवाजी महाराजांची भूमिका साकारत आहे. त्यामुळे त्याचं दिवसभराचं शेड्युल गच्च भरलेलं असतं. दिवसा तो 'इमली' च्या चित्रीकरणासाठी वेळ देतो तर रात्री तो त्याच्या आगामी चित्रपटाच्या चित्रीकरणासाठी जातो. त्यामुळे त्याला फक्त तीन तास झोपेसाठी मिळतात. कामाप्रती निष्ठा असेल तर काहीचं अवघड नाही, असं गश्मीरचं म्हणणं आहे.
from Marathi Bollywood News, Marathi Cinema News https://ift.tt/2NKeQ0h
