मुंबई: बॉलिवूड अभिनेत्री कधी आगमी चित्रपट तर कधी सोशल मीडियावरील पोस्टमुळे चर्चेत असते. कतरिनाचा बहुचर्चित चित्रपट 'सूर्यवंशी' लवकरच प्रेक्षकांच्या भेटीला येत आहे. पण त्याआधी फॅशनच्या नादात कतरिनाला ट्रोल व्हावं लागलं आहे. सोशल मीडियावरील कतरिनाचे फोटो पाहिल्यावर युझर्स तिला ट्रोल करत आहेत. कतरिना कैफनं तिच्या इन्स्टाग्रामवर नुकतेच काही फोटो शेअर करत आहे. ज्यातील तिच्या फॅशननं सर्वांचं लक्ष वेधून घेतलं आहे. कतरिनानं सोशल मीडियावर शेअर केलेल्या या फोटोंमध्ये तिनं निळ्या रंगाचं एक स्वेटर घातलं आहे. पण या स्वेटरला बटनं नाहीत. त्याऐवजी या ठिकाणी सेफ्टी पिन वापरल्या गेल्या आहेत. काहींना कतरिनाचा ही फॅशन आवडली आहे. मात्र काही युझर्सनी तिला या सेफ्टीपिन्सवरून ट्रोल करायला सुरूवात केली आहे. एका युझरनं कतरिनाच्या या फॅशन स्टाइलची खिल्ली उडवत लिहिलं, 'हे काय दिदी, तुला सुद्धा सेफ्टीपिन्स वापराव्या लागतात का?' तर दुसऱ्या एका युझरनं लिहिलं, 'ताई बटन्स तुटलेत, थोडं घाईत आहे... सेफ्टीपिन्स लावू का?' आणखी एका युझरनं सुद्धा अशाच प्रकारे कतरिनाची खिल्ली उडवताना म्हटलं, 'तुला सुद्धा कपड्यांमध्ये सेफ्टी पिन लावव्या लागतात का?' कतरिनाचे हे फोटो सोशल मीडियावर खूप व्हायरल झाले आहेत. शेवटी काय तर ही फॅशन कतरिनाला भलतीच महागात पडली आहे. कतरिनाच्या वर्कफ्रंट बद्दल बोलायचं तर सध्या तिच्याकडे बरेच चित्रपट आहेत. सध्या ती उदयपूरमध्ये तिचा आगमी हॉरर कॉमेडी चित्रपट 'फोन भूत'च्या शूटिंगमध्ये बिझी आहे. ज्यात तिच्यासोबत सिद्धांत चतुर्वेदी आणि इशान खट्टर यांच्या महत्त्वपूर्ण भूमिका आहेत. या चित्रपटाचं दिग्दर्शन गुरमीत सिंह करत आहेत. याशिवाय अक्षय कुमारसोबतचा तिचा 'सूर्यवंशी' हा चित्रपट लवकरच प्रेक्षकांच्या भेटीला येत आहे.
from Marathi Bollywood News, Marathi Cinema News https://ift.tt/2ZdhcHp
