मुंबई- खानची डिलिव्हरीची वेळ जवळ येत आहे, तशी तिच्या चाहत्यांमध्ये उत्साह वाढत आहे. छायाचित्रकारांची गर्दी तिच्या घराभोवती वाढताना दिसत आहे. एवढंच नाही तर वेगवेगळ्या भेटवस्तू करिनाच्या घरी येताना दिसत आहेत. स्वतः करिनाने तिच्या इन्स्टाग्रामवरून याचे काही फोटो स्टेटसवरून शेअरही केले आहेत. करिष्माही पोहोचली करिनाच्या घरी बुधवारी करिनाच्या घरी बबिता, करिश्मा, सोहा आणि इब्राहिम यांना तिच्या घरी जाताना पाहून बेबो डिलिव्हरीसाठी अॅडमिट होत असल्याचा अंदाज वर्तवला जात होता. पण तिच्या इन्स्टा स्टोरीवरून करिना अॅडमिट होत नसल्याचं स्पष्ट झालं. होणाऱ्या आईसाठी तिच्या जवळच्या व्यक्ती आधीपासूनच भेटवस्तू पाठवत आहेत. दरम्यान, गुलाबी आणि निळ्या रंगाचं एक मोठं गिफ्ट करिनाच्या घरी जाताना दिसलं. पॅटर्निटी लीव्हसाठी सैफ सज्ज करिनाने काही महिन्यांपूर्वीच काम करणं बंद केलं. सध्या ती संपूर्ण वेळ घरीच असते आणि स्वतःच्या आरोग्याची काळजी घेते. याकाळात सैफ आणि करिना त्यांच्या नवीन घरात शिफ्ट झाले. दुसऱ्या बाळाला योग्य ती स्पेस मिळाली म्हणून सैफिनाने आधीपेक्षा मोठं घर विकत घेतलं. करिनाच्या प्रेग्नसीनंतर सैफही पॅटर्निटी लीव्ह घेणार आहे. कुटुंबाला आणि नवजात बाळाला जास्तीत जास्त वेळ देता यावा म्हणून त्याने हा निर्णय घेतला आहे. सैफच्या मते, मुलांना मोठं होताना पाहू शकत नसलो तर ती आपली सर्वात मोठी चूक असते. दुसऱ्या बाळासाठी नवीन घरात शिफ्ट झाले सैफीना वृत्तानुसार, बाळाची प्रसूती १५ फेब्रुवारीच्या सुमारास केली जाणार होती. दुसऱ्या मुलासाठी करिना आणि सैफने नवीन घरही घेतलं आहे. हे घर आधीच्या घरापेक्षा फार मोठं आहे आणि दोन्ही मुलांना चांगली स्पेस मिळावी यासाठी खासपद्धतीने घर डिझाइन केलं आहे.
from Marathi Bollywood News, Marathi Cinema News https://ift.tt/3beqgkU
