मुंबई- बॉलिवूड अभिनेता रणबीर कपूरच्या कारसाठी शनिवारचा दिवस फारसा चांगला नव्हता असंच म्हणावं लागेल. त्याचं झालं असं की, रणबीरची कार 'नो पार्किंग' झोनमध्ये उभी होती. यावर कारवाई करत मुंबई पोलिसांनी गाडी ताब्यात घेतली. जेव्हा पोलीस रणबीरच्या कारचे टायर लॉक करत होते आणि गाडी ताब्यात घेत होते तेव्हा आमचे सहकारी ईटाइम्सच्या छायाचित्रकाराने ते आपल्या कॅमेऱ्यात कैद केलं. मंगळवारी याच्या काकांचं राजीव कपूर यांचं हृदयविकाराच्या झटक्याने निधन झालं. रणबीर आपल्या काकांच्या अगदी जवळ होता. शुक्रवारी कुटुंबियांनी राजीव कपूर यांची प्रार्थना सभा आयोजित केली होती. या प्रार्थना सभेला बी- टाउनमधील अनेक सेलिब्रिटींनी हजेरी लावली होती. सिनेमांबद्दल बोलायचे झाले तर रणबीर कपूर दिग्दर्शक अयान मुखर्जीच्या ‘ब्रह्मास्त्र’ चित्रपटात दिसणार आहे. या चित्रपटात अमिताभ बच्चन, आलिया भट्ट, नागार्जुन, डिंपल कपाडिया आणि मौनी रॉय यांच्याही मुख्य भूमिका आहेत.
from Marathi Bollywood News, Marathi Cinema News https://ift.tt/3rQagw1
