मुंबई: मराठमोळी अभिनेत्री लवकरच ‘भाभीजी घर पर हैं’ मालिकेतून प्रेक्षकांच्या भेटीला येत आहे. या मालिकेतील अनिता भाभी ही भूमिका ती साकारत आहे. जी याआधी अभिनेत्री करत होती. सौम्यानं ५ वर्षं या मालिकेसाठी काम केलं होतं. त्यानंतर आता नेहानं तिला रिप्लेस केलं आहे. पण नुकत्याच दिलेल्या एका मुलाखतीत ‘मी अभिनेत्री आहे, मिमिक्री आर्टिस्ट नाही.’ असं वक्तव्य केलं आहे. असं काय झालं की नेहानं हे वक्तव्य केलं. नुकतंच एका मुलाखतीमध्ये नेहाला तिच्या ‘अनिता भाभी’ या भूमिकेबाबत काही प्रश्न विचारण्यात आले. ज्यावर नेहानं सांगितलं की, 'मी सौम्याची नक्कल कधीच करणार नाही तर अनिता भाभी ही भूमिका माझ्या पद्धतीनं साकारेन आणि प्रेक्षकांनी मला माझ्या अभिनयासाठी ओळखावं असं मला वाटतं कारण मी अभिनेत्री आहे मिमिक्री आर्टिस्ट नाही. बऱ्याच दिवसांपासून मी एका चांगल्या प्रोजेक्टच्या शोधात होते आणि ‘भाभीजी घर पर हैं’साठी काम करणं ही माझ्यासाठी चांगली संधी आहे. मी मराठीमध्ये चित्रपट निर्मिती केली आहे. मात्र त्यात अभिनय केलेला नाही.' ‘भाभीजी घर पर हैं’ अनिता भाभीची भूमिका प्रेक्षकांमध्ये तुफान गाजली आहे. जवळपास ५ वर्ष सौम्या टंडननं ही भूमिका साकारल्यानंतर या भूमिकेला आपल्या पद्धतीनं न्याय देणं हे नेहासाठी खरं तर मोठं चॅलेज आहे. प्रेक्षकांच्या मनात अनिता भाभीची ज्या प्रकारची भूमिका आहे ती पाहता अर्थातच नेहकडून सर्वांनाच जास्त अपेक्षा आहेत. पण नेहा सांगते की, मला शोचे दिग्दर्शक आणि लेखक यांच्यावर पूर्ण विश्वास आहे. माझ्याकडून सर्वोत्तम काम करून घेण्यात ते नक्कीच यशस्वी होतील. ‘भाभी जी घर पर हैं’साठी काम करणं हे माझ्यासाठी आपल्या घरी परतल्यासारखं आहे. कारण या संपूर्ण टीम सोबत मी मे आय कम इन मॅडम या मालिकेत काम केलं आहे. त्यामुळे नव्या लोकांसोबत काम करण्याची जी भीती असते ती इथे अजिबात नाही. इथे सर्वांना मी ओळखते आणि त्यांच्यासोबत कंफर्टेबल आहे.
from Marathi Bollywood News, Marathi Cinema News https://ift.tt/3oE3KGN
