मुंबई: अभिनेता आज पाकिस्तानी चित्रपट सृष्टीतील एक प्रसिद्ध नाव आहे. अनेक वर्षांच्या परिश्रमांनंतर त्यानं हे यश मिळवलं आहे. आपल्या १५ वर्षांच्या करिअरमध्ये त्यानं अनेक चांगल्या चित्रपटांमध्ये काम केलं आहे. अजफरच्या घरात सर्वजण बँकिंग जॉब करत असताना घरातील परंपरेविरोधात जाऊन त्यानं या क्षेत्रात पाऊल टाकलं पण त्याला इथं बराच संघर्ष करावा लागला होता. नुकत्याच दिलेल्या मुलाखतीत त्यानं त्याच्या या प्रवासाविषयी सांगितलं तसेच अभिनय क्षेत्रात काम करताना आलेल्या चांगल्या वाईट अनुभवांबद्दलही अनेक खुलासे केले आहेत. नुकत्याच दिलेल्या मुलाखतीत अजफरनं अभिनय क्षेत्रात त्याला मिळालेलं यश, महिला सहकलाकारांकडून झालेलं शोषण, , कास्टिंग काउच आणि बॉलिवूड ऑफर्स अशा वेगवेगळ्या विषयांवर चर्चा केली. कास्टिंग काउचवर बोलताना अजफर रहमान म्हणाला, 'हे सर्व मागच्या अनेक वर्षांपासून सुरू आहे आणि पुढची अनेक वर्ष सुरू राहणार आहे. जे लोक माझ्या जागेवर आहेत. ते लोक नव्या लोकांचं शोषण करणार जे खूप चुकीचं आहे. मी जेव्हा माझ्या करिअरची सुरुवात केली होती. त्यावेळी मलाही अशा अनेक ऑफर्स आल्या होत्या. पण तुम्ही या सर्व गोष्टींना कशाप्रकारे सामोरं जाता यावर हे सर्व अवलंबून असतं.' अफजर रहमाननं या मुलाखतीत 'मी टू' चळवळीसारख्या विषयावरही भाष्य केलं. तो म्हणाला, 'हा खूपच संवेदनशील विषय आहे. कोणत्याही व्यक्तीचं अशाप्रकारे शोषण होणं ही चुकीची गोष्ट आहे. सर्वांनाच जगण्याचा अधिकार आहे आणि प्रत्येकाने स्वतःला वाटतं तसं जगावं पण याचा अर्थ असा नाही होत की, तुम्ही त्यासाठी कोणावरही जबरदस्ती कराल. कोणत्याही व्यक्तीच्या परवानगीशिवाय तुम्ही त्या व्यक्तीकडून जबरदस्तीनं एखादी गोष्ट करून घेऊ शकत नाही.' या मुलाखतीत अजफरनं त्याचंही शोषण झाल्याचा धक्कादायक खुलासा केला. अनेक पीडितांना त्यानं पाठिंबा दिला मात्र त्याच्या मते तो अशा अनेकांना ओळखतो ज्यांनी मी टू चळवळीचा उपयोग चुकीच्या पद्धतीनं केला आहे. अजफर म्हणाला, 'मला नाही माहीत की सोशल मीडियावर एखाद्या व्यक्तीबद्दल खुलासा करणं कितपत योग्य आहे. पण एक पुरुष कलाकार असताना काही महिला सहकलाकारांनी माझं शोषण केलं आहे. मी या ठिकाणी कोणचंही नाव घेणार नाही. कारण आता अशा गोष्टींकडे मी दुर्लक्ष करायला शिकलो आहे. पण नेहमी स्त्रियाच बरोबर असतातच असं नाही.' बॉलिवूडमध्ये काम करण्याबद्दल अजफर रहमान म्हणाला, 'मी आणि माझ्यासोबत अनेक कलाकारांनी एका मर्यादेपलिकडे जाऊन काम करण्याची इच्छा होती. बॉलिवूडच्या काही भूमिकांसाठी मला ऑडिशन देण्यास सांगण्यात आलं. पण सर्व ऑडिशनमध्ये मला नकार मिळाला.'
from Marathi Bollywood News, Marathi Cinema News https://ift.tt/3kvxDZf
