मुंबई: 'बाहुबली' फेम साउथ सुपरस्टार प्रभासचा चाहता वर्ग फक्त भारतातच नाही तर जगभरात आहे. आतापर्यंत जवळपास सर्वच चित्रपटांमध्ये अॅक्शन अवतारातच दिसला आहे. पण आगामी चित्रपट ''मध्ये मात्र तो रोमँटिक अवतारात पाहायला मिळणार आहे. आपल्या चाहत्यांना व्हॅलेंटाइन डेचं गिफ्ट देताना प्रभासनं या चित्रपटातील एक रोमँटिंक व्हिडीओ शेअर केला आहे. या व्हिडीओमध्ये त्याच्यासोबत अभिनेत्री सुद्धा दिसत आहे. प्रभासनं त्याच्या इन्स्टाग्रामवर या चित्रपटाची एक व्हिडीओ क्लिप शेअर केली आहे. ज्यात तो स्त्रियांची गर्दी असलेल्या एका रेल्वे प्लॅटफॉर्मवर इटालियनमध्ये आपल्या प्रेमाची कबूली देताना दिसत आहे. ही व्हिडीओ क्लिप ५ भाषांमध्ये रिलीज करण्यात आली असून यात तेलुगू, हिंदी, तमिल, मल्याळम आणि कन्नड या भाषांचा समावेश आहे. प्रभासच्या चित्रपटाची झलक असलेला हा व्हिडीओ सध्या सोशल मीडियावर खूप व्हायरल होताना दिसत आहे. प्रभासनं हा व्हिडीओ शेअर करताना 'राधे श्याम'च्या रिलीज डेटचीही घोषणा केली आहे. त्यानं या व्हिडीओच्या कॅप्शनमध्ये चित्रपटाची रिलीज डेट सांगितली आहे. प्रभासचा हा 'राधे श्याम' ३० जुलै २०२१ ला रिलीज होणार आहे. या चित्रपटात प्रभाससोबत साथ पूजा हेगडे, सचिन खेडेकर, प्रियदर्शी, भाग्यश्री, सतयन आणि मुरली शर्मा यांच्याही महत्त्वपूर्ण भूमिका आहेत. या चित्रपटाचं दिग्दर्शन राधा कृष्ण कुमार यांनी केलं आहे.
from Marathi Bollywood News, Marathi Cinema News https://ift.tt/3jKed2E
